Blɔ Kake Nɛ A Ma Nyɛ Maa Gu Nɔ Kɛ Ngɔ Bible’s Message Womiyo ɔ Kɛ Tsu Ní

Nihi babauu nɛ a ngɛ wa zugba kpɔ ɔmɛ a mi ɔ li nɔ́ ko tsɔ ngɛ Baiblo ɔ he, titli ɔ, nihi nɛ a pi Kristofoli. Fiɛɛli komɛ nɛ a kɛ nihi kaa jã ngɛ Baiblo Tsɔɔmi womi ɔ kasee ɔ, ngɔɔ Bible’s Message womiyo ɔ kɛ yeɔ bua a ní kaseli ɔmɛ konɛ a le ní komɛ nɛ ngɛ Baiblo ɔ mi. Kaa nɔ hyɛmi nɔ́ ɔ, benɛ nyɛminyumu ko kɛ nɔ ko nɛ e kɛ lɛ kaseɔ Baiblo ɔ ngɛ Baiblo Tsɔɔmi womi ɔ yi 3 ɔ kasee ɔ, e kɛ lɛ susu womiyo ɔ fã 1 ɔ he. Kɛ je lɔɔ se ɔ, ke e kɛ lɛ kase Baiblo Tsɔɔmi womi ɔ ta a, e kɛ lɛ susuɔ womiyo ɔ fã ko he? Anɛ o kɛ nɔ ko nɛ e li nɔ́ ko tsɔ ngɛ Baiblo ɔ he ɔ ngɛ Baiblo ɔ kasee lo? Bɔnɛ pee nɛ o nyɛ nɛ o ye bua lɛ nɛ e kase ‘ngmami klɔuklɔu ɔ nɛ ma ha nɛ e maa le ní, konɛ a he e yi wami ɔ,’ o kɛ lɛ ma nyɛ maa kase Bible’s Message womiyo ɔ kɛ piɛɛ Baiblo Tsɔɔmi womi ɔ he.—2 Tim. 3:15.