Wa He Nɛ Maa Be Ngɛ Fiɛɛmi Ní Tsumi ɔ Mi—Ngɔɔ Sane Kpakpa Womiyo ɔ Kɛ Je Baiblo Mi Ní Kasemi Sisi Ngɛ Sinya Nya
Nɔ́ He Je Nɛ E He Hia: Loko wa ma nyɛ maa ye bua nihi nɛ a ba pee Yesu kaseli ɔ, ja wa le Mawu Munyu ɔ tsɔɔmi saminya. (Mat. 28:19, 20) Womi slɔɔtohi nɛ a pee kɛ ha wɔ ɔ maa ye bua wɔ ngɛ enɛ ɔ peemi mi. A pee Sane Kpakpa Nɛ Je Mawu Ngɔ! womiyo ɔ konɛ e ye bua wɔ nɛ waa tsɔɔ nihi Mawu he anɔkuale ɔ. Wa ma nyɛ maa ngɔ womiyo nɛ ɔ kɛ je Baiblo mi ní kasemi sisi ngɛ wetsɛ ɔ sinya nya.
Moo Ka Enɛ ɔ Ngɛ Nyɔhiɔ ɔ Mi:
Moo sɔle konɛ o bua nɛ jɔ he kaa o kɛ nihi maa kase Baiblo ɔ. Moo sɔle konɛ Yehowa nɛ ye bua mo nɛ o je Baiblo mi ní kasemi sisi, nɛ o pee tsɔɔlɔ kpakpa.—Filip. 2:13.
Ke o ngɛ dɛ he ní kasemi pee, loo nyɛ ngɛ weku Mawu jami pee ɔ, moo kase fiɛɛmi munyu nɛ ngɛ daka a mi ɔ, nɛ e tlɔ o yi mi. Ke o pee jã a, o munyu ɔ maa ta nihi a tsui he, nɛ o kɛ mɛ maa je Baiblo mi ní kasemi sisi ngɛ a sinya nya.