Bɔ Nɛ O Kɛ Nɔ Ko Maa Kase Sane Kpakpa Womiyo ɔ Ha

Moo kane sane bimi nɛ a ngma lɛ agboagbo kɛ je kuku ɔ sisi ɔ kɛ tsɔɔ wetsɛ ɔ konɛ e juɛmi nɛ hi oti ɔ nɔ.

Lɔ ɔ se ɔ, kane kuku nɛ nyɛɛ se ɔ.

Kane ngmamihi nɛ a kpɛ̃ mɛ ɔ, nɛ o ngɔ sane bimihi nɛ sa kɛ ye bua wetsɛ ɔ nɛ e nyɛ nɛ e na bɔ nɛ ngmami ɔmɛ haa sane bimi nɛ a ngma lɛ agboagbo kɛ je kuku ɔ sisi ɔ heto ha.

Ke kuku kpa ko hu ngɛ sane bimi ɔ sisi ɔ, ngɔɔ blɔ tsɔɔmi enyɔne kɛ etɛne ɔ kɛ tsu he ní. Ke video ko ngɛ jw.org nɔ nɛ kɔɔ sane bimihi nɛ a ngma mɛ agboagbo kɛ je kuku ɔmɛ a sisi ɔ he ɔ, mo je ha lɛ ke nyɛ ngɛ ní ɔ kasee.

Mo bi wetsɛ ɔ nɛ e ha sane bimi nɛ a ngma lɛ agboagbo kɛ je kuku ɔ sisi ɔ heto, konɛ o hyɛ kaa e nu oti ɔ sisi lo.