Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g01 1/8 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—2001
  • Soortgelyke materiaal
  • Van ons lesers
    Ontwaak!—2000
  • Die Wasa—van ramp tot besienswaardigheid
    Ontwaak!—2000
  • Van ons lesers
    Ontwaak!—1994
  • Van ons lesers
    Ontwaak!—2005
Sien nog
Ontwaak!—2001
g01 1/8 bl. 30

Van ons lesers

Kokon Die artikel “Wanneer liefde blind is” (22 Maart 2000) praat van die mot wat uit sy papie kom. Dit is egter skoenlappers wat uit ’n papie kom. Motte kom uit kokonne.

V. L., Verenigde State

Volgens “Webster’s Ninth New Collegiate Dictionary” kan die term “papie” oor die algemeen verwys na ’n insek in die papiestadium. Dit is weliswaar gebruikliker om die woord in verband met skoenlappers te gebruik. Maar party bronne gebruik die term wel in verband met motte.—RED.

Wasa Ek wil my waardering uitspreek vir die artikel “Die Wasa—van ramp tot besienswaardigheid” (8 April 2000). As ’n geskiedkundige wat ’n bietjie werk oor hierdie onderwerp gedoen het, kan ek bevestig dat die artikel baie goed nagevors is. Dit het goed daarin geslaag om die gebeure op ’n gebalanseerde manier te verduidelik.

T. W., Duitsland

Regsoorwinnings Ek het onlangs hof toe gegaan om toesig oor my kinders te verkry, en my gewese man het ’n geskil van my godsdiensoortuigings gemaak. Dit was moeilik. Toe ek die artikel “Die stryd is nie julle s’n nie, maar God s’n” (22 April 2000) lees, het trane oor my wange gerol.

D. B., Verenigde State

Nadat ek die artikel gelees het, het ek dit vir plaaslike prokureurs aangebied. Almal het geneem. Party het my selfs vir koffie na hulle kantoor genooi en die onderwerp verder bespreek. ’n Hele paar wou nog eksemplare vir hulle kollegas hê. Al die prokureurs was verbaas toe ek vir hulle wys dat Hayden Covington 36 van die 45 sake in die Amerikaanse Hooggeregshof gewen het.

C. M., Verenigde State

Tienervaders Ek skryf om my innige waardering uit te spreek vir die artikel “Jongmense vra . . . Vaderskap—Is dit ’n bewys van manlikheid?” (22 April 2000). Ek is 28 jaar oud en ongetroud, en ek dien as ’n spesiale pionier, of voltydse evangeliedienaar. In hierdie deel van Wes-Afrika word iemand van my ouderdom as onbeskaafd en impotent beskou as hy nie ’n vrou of meisie het nie. Ek word dikwels hieroor gespot, en mense sien neer op my. My vasbeslotenheid om kuis te bly, is egter deur julle artikel versterk.

A. E., Ghana

Ek het my maagdelikheid as ’n tiener verloor en geslagsomgang met die een seun na die ander gehad. Ek het elke keer vuil gevoel, en ek is dikwels misbruik. As gevolg hiervan het ek depressief begin raak. Jehovah het my gehelp om my lewe reg te stel, en ek is nou gelukkig getroud met ’n goeie man. Maar dit is goed dat julle sulke artikels publiseer om jong mans te laat besef dat hulle dade ’n meisie vir die res van haar lewe kan seermaak.

F.A.S., Duitsland

Ek wil graag vir julle dankie sê dat julle ten minste die helfte van die skuld van ongetroude moeders plaas waar dit hoort—by die vaders! Aangesien net vroue swanger raak, glo te veel mense dat dit volgens die natuur die vrou se probleem is en dat mans geen verantwoordelikheid hoef te dra nie. Hou aan om vir jong mans te toon hoe God wil hê vroue behandel moet word.

J.M.O., Italië

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel