Haar oplossing vir geraasbesoedeling

“Ek werk vir ’n maatskappy wat speelgoed maak. Dit is roetinewerk, en die werknemers mag na musiek luister. Een van my medewerkers, in die afskorting langs myne, luister graag na verderflike musiek. Twee ander werkers in my afdeling hou ook van daardie soort musiek. Maar vir my was dit ’n beproewing om agt uur per dag daarna te moet luister.

“Ek het gedink aan die voordele wat dit inhou om die werk te behou. Een was dat my toesighouer my nog altyd verlof gegee het om streekbyeenkomste en spesiale vergaderinge vir Jehovah se Getuies in die voltydse bediening by te woon. Dit neem my ook nie lank om by die werk te kom nie, en die werksure laat tyd toe vir my bediening.

“Ek het my medewerkers genader en hulle gevra om asseblief die musiek te verander of dit sagter te stel. In reaksie hierop het hulle by die toesighouer gaan kla. Die toesighouer het my na haar kantoor toe geroep. Sy het gesê: ‘Sharon, jy kan nie hierdie maatskappy tot jou godsdiens bekeer nie. Ons werknemers kan luister waarna hulle wil.’

“Ek het toe gevra of ek my eie kassetspeler en oorfone werk toe kan bring. Sy het ingestem. Ek het oudiokassette van Die Wagtoring saamgeneem. Dit het my gehelp om nie die skadelike musiek te hoor nie. Die feit dat ek na die kassette geluister het, het my ook gehelp om geestelik sterk te bly.”—Soos vertel deur Sharon Quan.