Wie was eerste?
IN 1973 was dr. Martin Cooper die eerste persoon wat ’n hand- sellulêre telefoon gedemonstreer het. Dit het ’n battery, ’n radio en ’n mikroprosesseerder (’n minirekenaar) gehad. New Yorkers se mond het oopgehang van verbasing toe hulle sien dat Cooper ’n telefoonoproep op straat maak. Maar die uitvinding was slegs moontlik omdat Alessandro Volta reeds in 1800 ’n betroubare battery uitgevind het. Daarbenewens is die telefoon teen 1876 ontwikkel, die radio teen 1895 en die rekenaar teen 1946. Uiteindelik het die uitvinding van die mikroprosesseerder in 1971 selfone moontlik gemaak. Ons kan nietemin vra: Was kommunikasie met gesofistikeerde toestelle werklik nuut?
’n Kommunikasietoestel wat dikwels as vanselfsprekend aangeneem word, is die mensestem. Meer as die helfte van die miljarde neurone in die motoriese korteks van jou brein help om jou spraakorgane te beheer, en omtrent 100 spiere beheer die komplekse meganismes van jou tong, lippe, kakebeen, keel en bors.
Jou ore is ook deel van hierdie kommunikasiestelsel. Dit sit klank om in elektriese impulse wat jou brein kan verwerk. Jou brein ontleed klanke, en daarom kan jy mense aan die toonkleur van hulle stem herken. Jou brein meet ook hoeveel miljoenstes van ’n sekonde een oor ’n klank voor die ander een hoor en bereken sodoende presies waar ’n geluid vandaan kom. Dit is net twee van die dinge wat jou in staat stel om na een persoon op ’n slag te luister, al praat verskeie mense dalk om jou.
Gesofistikeerde draadlose kommunikasie (met oproeperherkenning) is dus nie nuut nie. Ons vind dit eerste in die wêreld van lewende dinge—die natuur.
[Diagram/Prente op bladsy 3]
(Sien publikasie vir oorspronklike teksuitleg)
1800
Betroubare battery
1876
Telefoon
1971
Mikroprosesseerder
1973
Dr. Martin Cooper ontwikkel die mobiele telefoon
[Erkenning]
Dr. Cooper en mobiele telefoon: © Mark Berry
[Prente op bladsy 2]
Regs op bladsy 2, van voor na agter, geposeerde foto’s: Guglielmo Marconi met sy radiotoerusting; Thomas Edison en die gloeilamp; Granville T. Woods, ’n uitvinder van kommunikasiestelsels; die Wright-broers en die Wrights se Flyer van 1903