Vergaderinge om ons te help dissipels maak
WEEK WAT BEGIN MET 5 MAART
10 min: Plaaslike aankondigings en gepaste Aankondigings uit Ons Koninkryksbediening. Prys die verkondigers wat reeds hierdie maand aan die veldbediening deelgeneem het hartlik en spoor almal aan om gedurende Maart ywerig aan die veldbediening deel te neem. Gee praktiese wenke oor hoe jongste tydskrifte in plaaslike gebied aangebied kan word. Herinner verkondigers aan gemeente se reëlings vir velddiens.
20 min: “Bou geloof in God se Woord.” Vrae en antwoorde. Wanneer paragraaf 3 bespreek word, moet bekwame verkondigers in die gehoor spesifieke voorstelle en gedagtes meld oor gesprekspunte wat in velddiens gebruik kan word. Hulle moet hierdie gedagtes vooraf voorberei.
15 min: “Sal JY as ’n hulppionier dien?” Ouere man met pioniergees dek artikel deur middel van vrae en antwoorde.
Lied 23 en slotgebed.
WEEK WAT BEGIN MET 12 MAART
7 min: Plaaslike aankondigings. Rekeningverslag, en sluit Genootskap se erkenning van bydraes wat gedurende Februarie ontvang is in. Prys gemeente hartlik vir vrygewige geldelike by-draes ten bate van Koninkrykswerk. Hersien gemeente se velddiensreëlings, en spoor verkondigers aan om hulle groepe die naweek te ondersteun. Herinner gemeente daaraan dat spesiale toespraak op 25 Maart gehou sal word. Verwys na aankondiging in Ons Koninkryksbediening vir Januarie 1990.
18 min: “Bied die goeie nuus aan—met onderskeidingsvermoë.” Vrae en antwoorde. Nadat paragraaf 3 bespreek is, moet daar twee kort demonstrasies wees wat toon hoe aanbieding by huisbewoner se omstandighede aangepas kan word. Demonstrasies kan eindig nadat dit getoon is, gewoonlik gedurende of direk na die inleiding.
20 min: “’n Nuwe program vir die bou van Koninkryksale.” Vraag-en-ant-woordbespreking van die byvoegsel, van die begin tot by die onderhofie “Die Genootskap-Koninkryksaalfonds—Hoe dit sal werk.”
Lied 225 en slotgebed.
WEEK WAT BEGIN MET 19 MAART
5 min: Plaaslike aankondigings. Meld reëlings vir die naweek se velddiens.
15 min: “’n Tyd vir groter bedrywigheid.” Vraag-en-antwoordbespreking van artikel. Meld hoeveel reeds aansoek gedoen het om in April en Mei hulppioniers te wees. Verwys na artikel “Puik tydskrifte in die vooruitsig” in Ons Koninkryksbediening vir Februarie 1990 wanneer paragraaf 5 bespreek word. Bespreek kortliks gesprekspunte in Die Wagtoring van 1 April indien julle dit ontvang het. Moedig almal hartlik aan om te kyk of hulle hul velddiensbedrywighede ten opsigte van die spesiale toespraak en die Gedenkmaalviering sowel as gedurende altwee maande kan vermeerder.
25 min: “’n Nuwe program vir die bou van Koninkryksale.” Vraag-en-ant-woordbespreking van byvoegsel, van onderhofie “Die Genootskap-Koninkryksaalfonds—Hoe dit sal werk” tot aan die einde.
Lied 46 en slotgebed.
WEEK WAT BEGIN MET 26 MAART
10 min: Plaaslike aankondigings. Teokratiese nuus. Spoor almal wat kan aan om hierdie naweek aan velddiens deel te neem. Sondag is die eerste dag van April en die begin van die Wagtoring-intekeningaanbod. Almal wat gedurende April hulppionierdiens gaan doen, moes aansoekvorms ingegee het, wat verkondigers by die presiderende opsiener kan kry. Na gelang van tyd kan wenke gegee word oor gepaste aanbiedings met jongste tydskrifte.
15 min: “Gaan sonder ophou voort met die bediening.” Vrae en antwoorde. Laat ’n bekwame broer die paragrawe lees. Ander in gehoor kan van die tekste lees en kommentaar daaroor lewer. Pas informasie op plaaslike situasie toe en help verkondigers om probleme wat hulle in gebied ondervind die hoof te bied en die regte gesindheid te behou. Almal moet vasbeslote wees om Jehovah tot die einde toe met ywer te dien.
10 min: Doen herbesoeke om verdere belangstelling aan te wakker. Spoor verkondigers aan om so gou moontlik terug te gaan na almal wat belangstelling in God se woord-boek getoon het. Na ’n kort bespreking oor hoe belangrik dit is om terug te gaan na waar belangstelling getoon is en waarin almal hartlik aangemoedig is om dit te doen, moet een of twee kort demonstrasies gehou word om te toon hoe ’n herbesoek gedoen kan word by iemand wat ’n nuwe boek geneem het.
10 min: Bied Wagtoring-intekeninge aan. Bespreek kortliks hoe belangrik ’n intekening op Die Wagtoring vir almal is wat in Jehovah se nuwe wêreld wil lewe. Demonstreer intekeningaanbod. Wanneer April se nommers van Die Wagtoring gebruik word, kan verkondigers belangstelling probeer wek deur te toon dat God binnekort vrede gaan bring. Psalm 72:7 kan gebruik word om te toon dat God se Woord vrede belowe. Die belofte in Psalm 37:10, 11 dat vrede binnekort sal kom, sal liefhebbers van vrede bemoedig. As die tyd dit toelaat, kan ’n kort, direkte aanbieding van die intekening ook gedemonstreer word.
Lied 71 en slotgebed.