Diensvergaderinge vir Julie
Week wat begin met 7 Julie
10 min: Plaaslike aankondigings. Gekose Aankondigings uit Ons Koninkryksbediening. Prys broers omdat hulle hulle gedurende April in die velddiens ingespan het, en lig die gemeente in oor wat gedurende die drie maande van spesiale bedrywigheid bereik is.
15 min: “Getrouheid word beloon.” Vrae en antwoorde. Sluit voorbeeld in wat in die Ontwaak! van 22 Januarie 1993, bladsye 18-21, verskyn.
20 min: “Help ander om vertroosting te vind.” Gehoorbespreking. Reël dat een of twee aanbiedinge gedemonstreer word. Nooi die gehoor om ander maniere te meld waarop hulle gesprekke in dieselfde brosjures begin het. Moedig broers aan om eenvoudige, weldeurdagte woorde te gebruik om belangstelling aan te wakker. (Sien Skoolhandleiding, bladsy 7, paragrawe 9-11.) Meld die ander brosjures wat aangebied kan word en wat die gemeente in voorraad het.
Lied 70 en slotgebed.
Week wat begin met 14 Julie
12 min: Plaaslike aankondigings. Rekeningverslag. Hersien “Ons gaan die Gesinsgeluk-boek bestudeer”.
18 min: “Getuig waar daar ook al mense is.” ’n Toespraak. Indien die tyd dit toelaat, kan bykomende ondervindinge in die 1997 Yearbook, bladsye 43-6, vertel word.
15 min: Beplan vooruit vir die ontoegekende gebied. Toespraak deur diensopsiener. Hersien brief van 30 Mei 1997. Bespreek spesiale lektuuraanbod, datums vir die kampanje, gebied wat gewerk gaan word en verblyf- en vervoerreëlings. Kan party aan die hulppionierdiens deelneem? Gemeentes wat nie in ontoegekende gebied gaan werk nie, moet die reëlings bespreek om gebied te dek waarin selde gewerk word.
Lied 71 en slotgebed.
Week wat begin met 21 Julie
12 min: Plaaslike aankondigings. Hersien “Die nuwe kringbyeenkomsprogram.”
13 min: Wie sal vir ons gaan? ’n Positiewe toespraak wat diegene vir wie dit moontlik is, aanmoedig om vanaf 1 September aan die gewone pionierdiens deel te neem. Sluit ondervinding in wat in die byvoegsel tot Ons Koninkryksbediening vir Februarie 1997, paragrawe 16-17, gevind kan word. Diegene wat nie gewone pioniers kan wees nie, kan dalk beplan watter maand(e) hulle gedurende die komende diensjaar aan die hulppionierdiens kan deelneem.
20 min: Wees voorbereid om informeel te getuig. Ons kry elke dag geleenthede om vir mense wat ons ontmoet te getuig. Wanneer ’n geleentheid opduik, vind ons dalk dat ons nie ’n Bybel of publikasies byderhand het om te gebruik nie. Beplan vooruit. Tuis kan jy lektuur naby die deur hou waar jy besoekers ontvang. Plaas ’n verskeidenheid publikasies in ’n tas of handsak en hou dit by jou of in jou motor, by jou werksplek of in jou sluitkas by die skool. Dra iets by jou wanneer jy van openbare vervoer gebruik maak. Pak lektuur in wanneer jy ’n sakereis onderneem, na ’n byeenkoms reis of met vakansie gaan. Bespreek bykomende wenke in die Skoolhandleiding, bladsye 80-2, paragrawe 11-16. Demonstreer kortliks verskeie maniere om ’n verkoopsman, ’n werksmaat, ’n skoolmaat, ’n medereisiger of ’n vakansieganger te nader.
Lied 72 en slotgebed.
Week wat begin met 28 Julie
12 min: Plaaslike aankondigings. Hersien lektuuraanbod vir Augustus. Spits julle daarop toe om brosjures wat in Julie versprei is op te volg met herbesoeke in Augustus en om Bybelstudies te probeer begin. Studies moet in die Vereis-brosjure of die Kennis-boek begin word.
15 min: Ouers—Leer julle kinders van kleintyd af. Ouer man bespreek skriftuurlike beginsels wat uiteensit hoe belangrik dit is dat ouers hulle kinders van kleintyd af leer (Spr. 22:6; 2 Tim. 3:14, 15). Party ouers meen dat kinders nie ernstige Bybelonderrig moet ontvang voordat hulle oud genoeg is om hulle eie besluite te neem nie. In sulke gevalle het baie kinders deel van die wêreld geword. Kinders moet van kleins af geestelike onderrigting ontvang (g97-AF 3/8 26-7; w88-AF 8/1 12-13). Voer ’n onderhoud met ’n egpaar wat besorgdheid toon oor hulle kinders se geestelikheid. Toon hoe die vader die leiding neem, maar dat albei ouers hulle deel doen om ’n volgehoue, deeglike program te voorsien om hulle kinders te leer. Egpaar vertel wat hulle al gedoen het om hulle kinders die waarheid te probeer leer, deur ag te slaan op wenke wat die organisasie voorsien het oor ’n goeie, praktiese program vir onderrigting by die huis. Ouer man beklemtoon hoe belangrik dit is dat ouers toepas wat God se Woord hulle aanspoor om te doen.—w85-AF 4/1 23; Ef. 6:1-4.
18 min: Voer jou bediening ten volle uit. Toespraak deur diensopsiener gebaseer op Ons bediening-boek, bladsye 5-8. Beklemtoon hoe belangrik en dringend die predikingswerk is, en spoor almal aan om hulle verantwoordelikheid as bedienaars ernstig op te neem. Herinner almal om velddiensrapporte vir Julie in te gee. Moedig almal aan om gedurende Augustus ’n volle aandeel aan die veldbediening te hê, aangesien dit die laaste maand van die diensjaar is.
Lied 75 en slotgebed.