Diensvergaderingrooster
Week wat begin met 11 Februarie
12 min: Plaaslike aankondigings. Gekose Aankondigings uit Ons Koninkryksbediening.
20 min: “Verkondig die woord van God ten volle.”a (Paragrawe 1-13) Moet deur die presiderende opsiener behartig word. ’n Entoesiastiese bespreking van wat ons graag in Maart en daarna wil bereik. Almal moet die kalender gebruik wat in die byvoegsel voorsien is om ’n praktiese rooster op te stel sodat hulle gedurende Maart soveel moontlik in die bediening kan doen. Moedig almal aan wat kan, om gedurende daardie maand hulppionierdiens te doen. Wanneer paragrawe 7-8 bespreek word, kan jy diegene wat verlede jaar gedurende die Gedenkmaalseisoen aan die pionierdiens deelgeneem het, vra om die seëninge te noem wat hulle geniet het. Kondig aan dat aansoekvorms vir hulppionierdiens na afloop van hierdie vergadering beskikbaar sal wees.
13 min: “Wat ons oor die tydskrifte kan sê.” Vra verkondigers hoe hierdie gedeelte in Ons Koninkryksbediening hulle gehelp het om beter voorbereid te wees om artikels in verband te bring met kommerwekkende gebeure in hierdie kritieke tye. Watter ondervindinge het party gehad toe hulle mense vertroos en gehelp het om Bybelse antwoorde op verontrustende vrae te vind? Wys deur middel van twee kort demonstrasies hoe om Die Wagtoring van 15 Februarie en dan die Ontwaak! van 22 Februarie aan te bied.
Lied 49 en slotgebed.
Week wat begin met 18 Februarie
8 min: Plaaslike aankondigings. Rekeningverslag.
12 min: “Die gelukkigste mense op aarde.”b Bespreek ook kortliks “Stappe tot geluk” op bladsy 6 in Die Wagtoring van 15 Oktober 1997.
25 min: “Verkondig die woord van God ten volle.”c (Paragrawe 14-23) Moet deur die diensopsiener behartig word. Hersien spesiale reëlings wat plaaslik getref is vir groter bedrywigheid in Maart. Gee ’n oorsig van die hele rooster vir velddiensvergaderinge wat vir die maand gereël is. Skenk veral aandag daaraan om diegene wat onbedrywig geword het, weer bedrywig te laat word en om kinders en Bybelstudente te help om te kwalifiseer om ongedoopte verkondigers te word. Kondig die name aan van diegene wat in Maart as hulppioniers gaan dien, en moedig ander aan om dit biddend te oorweeg om by hulle aan te sluit.
Lied 143 en slotgebed.
Week wat begin met 25 Februarie
10 min: Plaaslike aankondigings. Demonstreer twee kort tydskrifaanbiedings—een met Die Wagtoring van 1 Maart en die ander met die Ontwaak! van 8 Maart. Laat ’n jong persoon een van hulle doen. Herinner verkondigers om hulle velddiensrapporte vir Februarie vir hulle boekstudiehouers te gee.
35 min: “Pas jy toe wat jy by die ‘Onderrigters van God se woord’-streekbyeenkoms geleer het?” Gehoorbespreking van die byeenkomsprogram, wat deur die Wagtoring-studiehouer behartig moet word. Gee ’n inleiding van een minuut en gebruik daarna 10-12 minute vir elke dag se program. Gee kortliks die hoofpunte onder elke onderhofie, en vra die gehoor dan om kommentaar te lewer oor (1) hoe hulle die onderrigting probeer toepas, (2) hoe hulle daarby baat gevind het om dit te doen en (3) wat hulle voel hulle nog moet doen. Gebruik gedagteprikkelende vrae om ’n lewendige bespreking aan te moedig. Help almal om te besef hoe belangrik dit is om te gebruik wat hulle geleer het.
Lied 215 en slotgebed.
Week wat begin met 4 Maart
5 min: Plaaslike aankondigings.
12 min: Plaaslike behoeftes.
12 min: Gebruik die Kennis-boek om studies te begin. Gedurende Maart wil ons graag ’n spesiale poging aanwend om tuisbybelstudies te begin. Vertel kortliks die ondervinding in Ons Koninkryksbediening vir Augustus 1998, bladsy 4, paragraaf 8. As iemand onlangs ’n studie in die Kennis-boek begin het, demonstreer hoe dit gedoen is. Herinner almal aan die “Wenke om die Kennis-boek aan te bied” in die byvoegsel tot Ons Koninkryksbediening vir Januarie 2002. Gebruik die boek en demonstreer een van die wenke op bladsy 6 van die byvoegsel onder “Die direkte benadering”.
16 min: “Waarom moet ons aanhou met die predikingswerk?”d Sluit af met onderhoude met een of twee verkondigers wat al baie jare lank die predikingswerk doen. Laat hulle vertel waarom hulle in hierdie werk volhard het en hoe dit hulle tot voordeel gestrek het.
Lied 223 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.
c Die inleiding moet korter as ’n minuut wees, gevolg deur ’n vraag-en-antwoord-bespreking.
d Die inleiding moet korter as ’n minuut wees, gevolg deur ’n vraag-en-antwoord-bespreking.