Diensvergaderingrooster
Week wat begin met 11 Maart
13 min: Plaaslike aankondigings. Gekose Aankondigings uit Ons Koninkryksbediening. Gebruik die wenke op bladsy 8 en hou twee aparte demonstrasies van hoe Die Wagtoring van 15 Maart en die Ontwaak! van 22 Maart aangebied kan word. In elke demonstrasie kan ’n ander metode gebruik word om die gesprekdemper, “Ek stel nie belang nie”, te oorkom.—Sien Redenering-boek, bladsy 16.
12 min: Ons moet ons Christelike neutraliteit handhaaf. Toespraak deur ’n bekwame ouer man. Patriotisme word van tyd tot tyd by die skool, by die werk en in die buurt geopenbaar. Party is voorstanders daarvan omdat dit hulle manier is om angs en verdriet oor nasionale tragedies te verwerk. Hoewel ons ook bedroef is oor wat ons in die wêreld sien, verstaan ons die groter geskil van universele soewereiniteit en word ons deur die Koninkryksboodskap vertroos. Wanneer ons taktvol aan ander verduidelik waarom ons nie aan nasionalistiese bedrywighede deelneem nie, moet ons hulle ook vertel van die vertroosting en hoop wat ons in God se Woord gevind het. Die brosjure Jehovah se Getuies en opvoeding, bladsye 20-4, onder die onderhofie “Vlagsaluering”, verduidelik waarom ons nie aan patriotiese seremonies deelneem nie. Bespreek die hoofpunte en moedig ouers aan om hierdie inligting sorgvuldig met hulle kinders te hersien. Vertel die ondervindinge op bladsy 20 van die brosjure en op bladsy 31 van die Ontwaak! van 8 Januarie 1996. Beklemtoon hoe belangrik dit is om uitsluitlike toegewydheid aan Jehovah te gee, terwyl ons die gesag van die regering respekteer.
20 min: “Wees ryk in goeie werke.”a Moet deur die diensopsiener behartig word. Spoor almal aan om ’n volle deelname aan die bediening te hê ter voorbereiding vir die Gedenkmaalviering op 28 Maart. Bespreek hoe die gedrukte uitnodigings ten beste benut kan word. Vra verkondigers om te vertel wat hulle gedoen het om hulle familielede, bure, Bybelstudente en ander belangstellendes verlede jaar na die Gedenkmaal te laat kom en watter vreugde dit hulle verskaf het. Moedig almal aan wat kan om in April hulppionierdiens te doen en om ná die vergadering ’n aansoekvorm te kry.
Lied 82 en slotgebed.
Week wat begin met 18 Maart
10 min: Plaaslike aankondigings. Rekeningverslag. Bespreek “Gedenkmaalherinneringe”. Moedig almal aan om van 23-28 Maart die Skrifgedeelte vir die Gedenkmaal te lees, soos in Ondersoek die Skrif elke dag—2002 uiteengesit is.
15 min: “Vreugdevol verenig met Jehovah en sy Seun.” ’n Motiverende Bybeltoespraak deur ’n ouer man. Moedig almal aan om van nou tot 28 Maart alles in hulle vermoë te doen om soveel mense moontlik te nooi om die Gedenkmaal saam met ons by te woon.
20 min: “Put groter vreugde uit die predikingswerk.”b Wanneer paragraaf 5 bespreek word, vra gehoor om praktiese wenke te gee oor hoe om die beste resultate in die plaaslike gebied te kry. Demonstreer een of twee maniere hoe ons die inisiatief kan neem om iemand te nader om ’n kort getuienis te gee. Moedig almal aan om hierdie week geleenthede te skep om te getuig.
Lied 45 en slotgebed.
Week wat begin met 25 Maart
14 min: Plaaslike aankondigings. Verduidelik dat dit nie te laat is om ’n aansoekvorm in te gee om in April hulppionierdiens te doen nie. Gebruik die wenke op bladsy 8 en laat ’n ouer man demonstreer hoe om Die Wagtoring van 1 April aan te bied en laat ’n jong persoon wys hoe om die Ontwaak! van 8 April aan te bied. Ná elke demonstrasie kan jy die aandag vestig op ’n paar goeie aspekte van die aanbieding.
15 min: “Laat ons ons Koninkryksale bou en in stand hou”—Deel 1.c Entoesiastiese bespreking deur ouer man van paragrawe 1-8 van die byvoegsel. In gemeentes wat ’n Koninkryksaal nodig het, moet beklemtoon word hoe belangrik dit is dat almal in die gemeente hulle volle ondersteuning gee. Verduidelik watter bydraebussie vir die plaaslike Koninkryksaalfonds gebruik word en watter reëling julle het om die geld veilig te bewaar. Verduidelik, indien gepas, wat die plaaslike ouer manne doen om ’n Koninkryksaal te bekom. Sluit na gelang van tyd gepaste ondervindinge in met betrekking tot vorige Koninkryksaalprojekte in julle omgewing.
16 min: “‘Gawes in die vorm van mense’ hou ywerig toesig oor God se kudde.” ’n Toespraak deur ’n ouer man. Bespreek die teksverwysings. Toon watter positiewe resultate al behaal is en behaal kan word deur herdersbesoeke by onbedrywiges te doen en siekes te help om te doen wat hulle kan. Liefdevolle herders toon waardering vir al hulle opregte pogings om in Jehovah se diens bedrywig te bly.
Lied 131 en slotgebed.
Week wat begin met 1 April
10 min: Plaaslike aankondigings. Herinner verkondigers daaraan om hulle velddiensrapporte vir Maart vir hulle boekstudiehouers te gee.
15 min: “Laat ons ons Koninkryksale bou en in stand hou”—Deel 2.d Presiderende opsiener dek paragrawe 9-15 van die byvoegsel. Gemeentes wat ’n tydelike struktuur vir hulle vergaderinge gebruik, moet ook dink aan wat gedoen kan word om die voorkoms van die gebou sonder groot onkoste te verbeter. Beklemtoon hoe belangrik dit is om by te dra tot die gereelde instandhouding van ons plek van aanbidding en ander uitgawes. As die gemeente ’n lening by die Genootskap afbetaal, sê hoe dit maandeliks gedoen word en prys die gemeente omdat hulle getrou bydra soos hulle belowe het. Die presiderende opsiener moet gemeente inlig oor liggaam van ouer manne se besluit oor watter instandhoudingswerk gedoen gaan word en wanneer, en hy moet die reëlings duidelik uiteensit.
20 min: Hoe vind jy baat by die jaarboek? Toespraak en gehoorbespreking. Vestig eerstens die aandag op die sleutelgedagtes in “A Letter From the Governing Body”, op bladsye 3-5. Vra die gehoor dan om te vertel watter verslae en ondervindinge in die jaarboek hulle veral bemoedigend en geloofversterkend gevind het. Moedig almal aan om die jaarboek deur te lees en om dit te gebruik om Bybelstudente met Jehovah se organisasie vertroud te maak.
Lied 15 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.
c Die inleiding moet korter as ’n minuut wees, gevolg deur ’n vraag-en-antwoord-bespreking.
d Die inleiding moet korter as ’n minuut wees, gevolg deur ’n vraag-en-antwoord-bespreking.