Hersiening vir die Teokratiese Bedieningskool
Die volgende vrae sal bespreek word by die Teokratiese Bedieningskool gedurende die week wat begin met 28 April 2003. Die skoolopsiener sal ’n hersiening van 30 minute hou wat gebaseer is op die materiaal wat gedek is in toewysings vir die weke vanaf 3 Maart tot 28 April 2003. [Let wel: Waar daar geen verwysings ná die vraag is nie, sal jy jou eie navorsing moet doen om die antwoorde te vind.—Sien Bedieningskool, bl. 36-7.]
SPRAAKHOEDANIGHEDE
1. Watter faktore kan tot ’n gebrek aan vlotheid bydra? [be-AF bl. 93]
2. Waar of Onwaar: Pousering moet vermy word, aangesien dit mense se gedagtes kan laat dwaal en hulle die geleentheid gee om jou in die rede te val. Verduidelik.
3. Waarom is dit belangrik dat ’n spreker of ’n openbare leser regte beklemtoning gebruik? (Neh. 8:8). [be-AF bl. 101]
4. Hoe kan ’n mens regte beklemtoning aanleer? [be-AF bl. 102-3]
5. Watter hoofgedagtes moet beklemtoon word wanneer jy hardop lees uit ’n publikasie by ’n Bybelstudie of by ’n gemeentelike vergadering? [be-AF bl. 105]
TOESPRAAK NR. 1
6. Wat kan ouers doen om kinders te leer “sodat hulle kan luister en sodat hulle kan leer” by Christelike vergaderinge? (Deut. 31:12). [be-AF bl. 16]
7. Wat is die geestelike paradys? [w01-AF 3/1 bl. 8-10]
8. Hoe toon Spreuke 8:1-3 dat Goddelike wysheid aan almal beskikbaar is, en waar kan dit volgens Kolossense 2:3 gevind word? [w01-AF 3/15 bl. 25, 28]
9. Hoe kan ons God se naam bekend maak? (Joh. 17:6). [be-AF bl. 273-5]
10. Van watter belangrike besonderhede aangaande die “goeie nuus van die koninkryk” moet mense weet? (Matt. 24:14). [be-AF bl. 279-80].
WEEKLIKSE BYBELLEESGEDEELTE
11. (a) Wat was in die eerste eeu “die walglike ding” wat in Markus 13:14 gemeld word? (b) Waarna het die feit dat dit “staan waar dit nie behoort te staan nie”, verwys?
12. Hoe toon Lukas se Evangelie dat Jesus die natuurlike erfgenaam van Dawid se troon was? (Luk. 3:23-38). [w92-AF 10/1 bl. 9 par. 3]
13. Wat was die punt van Jesus se woorde in Lukas 12:2?
14. Waarom is die reaksie van die engele merkwaardig in Jesus se illustrasie van die verlore dragma? (Luk. 15:10). Watter uitwerking moet hulle voorbeeld op ons hê?
15. Watter twee verbonde word in Lukas 22:29 gemeld?