Diensvergaderingrooster
LET WEL: In Ons Koninkryksbediening verskyn daar ’n Diensvergaderingprogram vir elke week gedurende die streekbyeenkomsmaande. Gemeentes kan die nodige aanpassings maak sodat hulle die “Gee God heerlikheid”-streekbyeenkoms kan bywoon. Waar gepas kan julle 15 minute van die laaste Diensvergadering voor die streekbyeenkoms gebruik om spesifieke raad wat plaaslik van toepassing is, te herhaal uit die byvoegsel vir Oktober. Gedurende Februarie 2004 sal ’n hele Diensvergadering gereël word om byeenkomshoogtepunte te hersien. Ter voorbereiding van daardie bespreking kan ons almal sinvolle aantekeninge by die byeenkoms maak, wat ’n lys punte kan insluit wat ons in ons eie lewe en in die veldbediening wil toepas. Dan kan ons ander aanmoedig deur te verduidelik hoe ons die wenke toegepas het.
Week wat begin met 10 November
10 min: Plaaslike aankondigings en gekose Aankondigings uit Ons Koninkryksbediening. Prys almal wat deelgeneem het aan die ontoegekendegebied-kampanje. Lewer verslag oor wat bereik is en vertel enige interessante ondervindinge. Hou twee realistiese demonstrasies om te toon hoe die wenke op bladsy 4 gebruik kan word om Die Wagtoring van 15 November en die Ontwaak! van 22 November in julle gebied aan te bied. In elke demonstrasie moet albei tydskrifte as ’n stel aangebied word, al word die aandag net op een gevestig. Een van die demonstrasies moet ’n verduideliking insluit van hoe ons wêreldwye werk gefinansier word.—Sien Die Wagtoring, bl. 2, of die Ontwaak!, bl. 5.
15 min: “Wees gereed.”a Nooi die gehoor om te vertel wat hulle doen sodat die sorge en afleidings van die huidige stelsel van dinge nie tyd in beslag neem wat eerder aan geestelike strewes gewy kan word nie.
20 min: Hoe kies jy jou vriende? Gehoorbespreking gebaseer op die Aanbid God-boek, bladsye 48-9. Gebruik die vrae en teksverwysings in paragraaf 13 en nooi die gehoor om kommentaar te lewer oor Bybelbeginsels wat ons moet rig wanneer ons vriende kies.
Lied 127 en slotgebed.
Week wat begin met 17 November
12 min: Plaaslike aankondigings. Teokratiese nuus. Voer ’n onderhoud met twee of drie verkondigers wat interessante velddiensondervindinge met die huidige lektuuraanbod gehad het. Party het dalk daarin geslaag om Bybelstudies te begin.
15 min: Kweek ’n vrygewige gesindheid aan. Toespraak deur ’n ouer man, gebaseer op Die Wagtoring van 1 November 2003, bladsye 27-30. Sluit ’n aankondiging in oor die jaarlikse bydrae vir die Koninkryksaal-bystandsreëling.
18 min: “Woorde van lof verkwik.”b Sluit kommentare in uit die Gesinsgeluk-boek, bladsye 49-50, paragraaf 21. Nooi diegene wat deur ander se woorde van lof aangemoedig is, om kortliks daaroor kommentaar te lewer.
Lied 58 en slotgebed.
Week wat begin met 24 November
12 min: Plaaslike aankondigings. Rekeningverslag. Hou twee afsonderlike demonstrasies om te toon hoe die wenke op bladsy 4 gebruik kan word om Die Wagtoring van 1 Desember en die Ontwaak! van 8 Desember aan te bied. ’n Ander teks as die een op bladsy 4 kan gebruik word. In elke demonstrasie moet albei tydskrifte as ’n stel aangebied word, al word die aandag net op een gevestig. Demonstreer in een van die aanbiedings hoe die tydskrifte informeel aangebied kan word op openbare vervoer of tydens ’n ander gepaste plaaslike situasie.
10 min: Vraebus. Toespraak deur ’n ouer man.
23 min: “Bou ’n intieme verhouding met Jehovah op.”c Gebruik die vrae wat voorsien word. Vra die gehoor hoe die tekste van toepassing is. Reël vooraf dat een of twee kommentaar lewer oor wat hulle gehelp het om die gehalte van hulle persoonlike Bybelstudie te verbeter.
Lied 202 en slotgebed.
Week wat begin met 1 Desember
10 min: Plaaslike aankondigings. Herinner verkondigers daaraan om hulle velddiensrapporte vir November in te gee. Meld lektuuraanbod vir Desember. Hersien kortliks een of twee voorgestelde aanbiedings. Verduidelik hoe verkondigers die Watch Tower Publications Index kan gebruik om nog aanbiedings te vind.—Sien Ons Koninkryksbediening vir September 2001, bl. 2.
15 min: Plaaslike behoeftes.
20 min: Voldoende bekwaam om ander te leer. Gehoorbespreking gebaseer op Die Wagtoring van 1 Junie 2000, bladsye 16-17, paragrawe 9-13. Een van ons hoofdoelwitte in die bediening is om op bekwame wyse te onderrig. Ons sukses daarin om skaapgeaardes te help, hang af van ons vermoë om die Koninkryksboodskap oor te dra op ’n wyse wat hulle inlig en motiveer. Bespreek die volgende vrae: (1) Wat is die verskil tussen die verkondigings- en onderrigtingswerk? (it-2 bl. 672 par. 2). (2) Waarom is party huiwerig om ’n Bybelstudie te probeer hou? (3) Hoe kan ons ons onderrigvermoë verbeter? (4) Hoe kan ons seker maak dat ons student verstaan wat hy leer? (5) Watter doelwit moet ons die student help bereik?
Lied 70 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.
c Die inleiding moet korter as ’n minuut wees, gevolg deur ’n vraag-en-antwoord-bespreking.