Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g02 2/22 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—2002
  • Soortgelyke materiaal
  • Van ons lesers
    Ontwaak!—2001
  • Die Niagara-waterval—’n Onvergeetlike ervaring
    Ontwaak!—2001
  • Inhoudsopgawe
    Ontwaak!—2001
  • Die Niagara-waterval—’n tydlose juweel van die Amerikas
    Ontwaak!—1992
Sien nog
Ontwaak!—2002
g02 2/22 bl. 30

Van ons lesers

Gebed Die artikel “Jongmense vra . . . Sal God na my gebede luister?” (22 Junie 2001) het my regtig versterk. Ek het hierdie tydskrif ontvang terwyl ek in die hospitaal gelê het. Ek kon nie na die Koninkryksaal of na ons streekbyeenkoms gaan nie. Ek was baie hartseer en het gesukkel om my gevoelens onder beheer te kry. Gebed tot Jehovah het my rustiger laat voel, en my hart het verbasend kalm geword. Dit het my vertroos om te weet dat Jehovah my nooit sal vergeet nie.

A. O., Japan

Ek is 18 jaar oud en ’n gewone pionier, oftewel ’n voltydse evangeliedienaar. Ek het die afgelope paar maande baie neerslagtig gevoel. Ek het soos Steve gevoel, die jong man in die artikel wat gesê het dat dit soms vir hom gevoel het of hy God nie met sy probleme moet pla nie. Maar ek het die raad van Lukas 12:6, 7 ter harte geneem. Ek het kalmer begin voel en kon my hart voor Jehovah uitstort.

M. D., Nicaragua

In klooster grootgemaak Die artikel “My ouers het my verlaat, maar God het my lief” (22 Junie 2001) het baie herinneringe teruggebring. Ek onthou hoe my ma ons vertel het van haar lewe in die klooster en hoe die nonne haar behandel het. Toe sy die klooster op 16-jarige ouderdom verlaat het, het sy geen blyplek gehad nie. Baie mense het hierdie soort mishandeling verduur en is bang om daaroor te praat. Daarom is ek bly dat hierdie artikel verskyn het.

G. E., Verenigde State

Gesondheid In julle nommer van 8 Junie 2001 het ek die artikel “Die moderne geneeskunde—Hoeveel kan dit bereik?” gelees. As ’n leek wat die geneeskunde en wetenskap betref, het ek julle verduidelikings en verwysings na die geskiedenis van die geneeskunde baie interessant en leersaam gevind. Ek gaan beslis hierdie tydskrif hou.

E. F., Duitsland

Dwelmmisbruik Ek kry julle tydskrifte gereeld van ’n werksmaat, en ek lees hulle. Maar ek het ’n groot probleem met julle insinuasie in die reeks “Dwelmmisbruik—Daar is ’n oplossing!” dat alle rock-musikante dwelmslawe is (8 Julie 2001). Daar is baie rock-musikante wat niks met dwelms te doen het nie en wat hulle werk ernstig opneem.

M. M., Japan

“Ontwaak!” antwoord: Ons het nie bedoel om te insinueer dat alle rock-musikante dwelms misbruik nie. Dit is nietemin algemeen bekend dat baie rock-musikante en bewonderaars by rock-konserte dwelms gebruik.

Niagara-waterval Ek het so pas die artikel “Die Niagara-waterval—’n onvergeetlike ervaring” (8 Julie 2001) klaar gelees. Ek het dit terdeë geniet om dit te lees. My man het my nou onlangs soontoe geneem vir ons huweliksherdenking. Ek het gedink dat dit vervelig sou wees. Hoe verkeerd was ek tog! Die uitsig oor die waterval sowel as die gedreun daarvan was werklik indrukwekkend.

C. K., Verenigde State

Julle het gesê dat die erosie van die rivier se kloof oor die afgelope 12 000 jaar plaasgevind het. Dit stem nie met die Bybel se verslag van ’n wêreldvloed ooreen nie.

R. P., Brittanje

“Ontwaak!” antwoord: Ons het eenvoudig die huidige skattings deur geoloë gegee, met geen kommentaar oor die akkuraatheid daarvan nie. Sulke skattings neem klaarblyklik nie die Bybel se verslag van die Vloed van Noag se tyd in ag nie, wat blykbaar minder as 5 000 jaar gelede plaasgevind het.—Matteus 24:37.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel