Die mens boots die Skepper se ontwerp na

Hoe is dit moontlik dat ’n papierdun elektriese gloeilampie die kwaai druk kan weerstaan wanneer dit in ’n ligsok gesteek of gedraai word? Volgens die boek How in the World? lê die antwoord hoofsaaklik in die gloeilampie se vorm, wat op die “eierdopbeginsel” gebaseer is. Hoewel eierdoppe baie dun is, word die eiers nie deur die gewig van die voël stukkend gedruk wanneer sy op die nes sit om hulle uit te broei nie. Dit is omdat die vorm van die eier strukturele sterkte verleen wat die druk weerstaan. (As die dop dikker was, sou die kuiken dit dalk nie kon stukkend pik om uit te kom nie.) In nabootsing van die Skepper se ontwerp het gloeilampies ’n ronde vorm sodat die druk “deur die ronding van die glas in alle rigtings van die kontakpunt af versprei” wanneer dit vasgevat word. Soos in die geval van die eier word daar dus nie uitermate druk op enige punt uitgeoefen nie, en die gloeilampie breek nie. Die mens het inderdaad baie geleer uit sy studie van die skepping!