Is dit ontwerp?

Die voëleier

● Die voëleier is al “’n verpakkingswonder” genoem. Waarom?

Dink hieraan: Hoewel die kalsiumryke dop van ’n hoendereier solied lyk, kan dit tot 8 000 mikroskopiese gaatjies hê. Dit laat suurstof in en koolstofdioksied uit—’n belangrike uitruiling wat dit vir die embrio moontlik maak om asem te haal. Tog keer die dop en verskeie vliese dat bakterieë die embrio besmet. Albumen—’n gelatienagtige stof met ’n hoë waterinhoud—gee die eier die vermoë om skok te absorbeer.

Navorsers sal graag die struktuur van die eier wil naboots om produkte te vervaardig wat meer skokbestand is en ’n deklagie het wat vrugte teen bakterieë en parasiete kan beskerm. Maar “dit is nie so maklik om die natuur na te boots nie”, skryf Marianne Botta Diener in die tydskrif Vivai. Die pogings wat tot dusver aangewend is, sê sy, was nie omgewingsvriendelik nie.

Wat dink jy? Het hierdie “verpakkingswonder”, die voëleier, per toeval ontstaan? Of is dit ontwerp?

[Diagram op bladsy 28]

(Sien publikasie vir oorspronklike teksuitleg)

BINNEKANT VAN ’N EIER

Dop

Eiergeel

Haelsnoer (anker die eiergeel)

Buitenste eiervlies

Binneste eiervlies

Kiemskyf (waar die embrio begin ontwikkel)

Dun albumen

Dik albumen

Lugruimte