Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g04 9/8 bl. 31
  • Van soldate tot vredemakers

Video nie beskikbaar nie.

Jammer, die video kon nie laai nie.

  • Van soldate tot vredemakers
  • Ontwaak!—2004
  • Soortgelyke materiaal
  • Van ons lesers
    Ontwaak!—2003
  • Van ’n dodelike sending tot ’n vreedsame weg
    Ontwaak!—2002
  • Die Here se wederkoms word verkondig (1870-1914)
    Jehovah se Getuies—Verkondigers van God se Koninkryk
  • Tragedie in Rwanda—Wie is daarvoor verantwoordelik?
    Die Wagtoring kondig Jehovah se Koninkryk aan—1994
Sien nog
Ontwaak!—2004
g04 9/8 bl. 31

Van soldate tot vredemakers

DIE Ontwaak! van 8 Desember 2002 het die ondervinding vertel van Tosjiaki Niwa, ’n voormalige Japannese vlieënier wat vir ’n kamikazesending gedurende die Tweede Wêreldoorlog opgelei is. Niwa het vertel dat hy in Augustus 1945 by ’n basis naby Kioto op bevele gewag het om ’n selfmoordaanval op Amerikaanse oorlogskepe uit te voer. Daardie bevel het nooit gekom nie, want net dae later het die oorlog geëindig. Jare later het Niwa die Bybel saam met Jehovah se Getuies begin studeer. Hy het geleer dat diegene wat God wil behaag, nie aan oorlog deelneem nie. Hulle het ware respek vir hulle medemens, ongeag waar hulle woon of van watter nasionaliteit hulle is (1 Petrus 2:17). Niwa, ’n gewese soldaat, is nou ’n vredemaker wat die verenigende boodskap uit God se Woord aan ander verkondig.

Russell Werts, van die Verenigde State, is deur Niwa se verhaal geraak, aangesien hy in dieselfde oorlog—maar aan die teenoorgestelde kant—geveg het. “Jy het gesê dat jy in Augustus 1945 naby Kioto vir die komende inval gewag het”, het Werts in ’n brief aan Niwa geskryf. “Op daardie selfde tyd was ek besig om my voorbereiding vir daardie inval te voltooi. As die oorlog nie toe geëindig het nie, sou ons albei waarskynlik aan teenoorgestelde kante in daardie geveg gesterf het. Soos jy en jou gesin, het ek en my vrou ook later Jehovah se Getuies geword. Dit is wonderlik om te weet dat ons, wat vroeër vyande was en daarop uit was om mekaar dood te maak, nou nie net vriende is nie, maar broers!”

Soos Tosjiaki Niwa en Russell Werts, lewe baie wat eens op ’n tyd aartsvyande was, nou in vrede en eenheid met mekaar omdat hulle God se Woord, die Bybel, bestudeer en toegepas het. Onder Jehovah se Getuies is daar Jode en Arabiere, Armeniërs en Turke, Duitsers en Russe, Hutu’s en Tutsi’s wat bewys het dat hulle ware Christene is. Ja, Jesus het gesê: “Hieraan sal almal weet dat julle my dissipels is, as julle liefde onder mekaar het.”—Johannes 13:35.

[Prente op bladsy 31]

Tosjiaki Niwa en Russell Werts gedurende die Tweede Wêreldoorlog

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel