Kan jy veroudering vermy?
“Sewentig jaar is al wat ons het—tagtig jaar, as ons sterk is; . . . die lewe is gou verby, en ons is daarmee heen.”—PSALM 90:10, TODAY’S ENGLISH VERSION.
STEL jou voor dat jy vir altyd in die fleur van jou lewe is. Jy geniet blakende gesondheid en ’n skerp verstand wat nooit agteruitgaan nie. Klink so ’n wonderlike vooruitsig vir jou soos fantasie? Kyk dan na hierdie eienaardige feit: Al kan party papegaaispesies tot ’n honderd jaar lewe, lewe muise selde langer as drie jaar. Sulke groot verskille in lewensduur het party bioloë tot die slotsom laat kom dat veroudering ’n oorsaak moet hê en, as dít die geval is, dat daar dalk ’n middel is om dit teë te werk.
Die soeke na ’n doeltreffende middel teen veroudering het farmaseutiese maatskappye laat besluit om daarin te belê. Daarbenewens is dit vir diegene wat ná die Tweede Wêreldoorlog gebore is en nou hulle sestigerjare bereik, van persoonlike belang dat ’n manier gevind word om die verouderingsproses te vertraag.
Die studie van veroudering het ook ’n hoë prioriteit geword vir baie navorsers op die gebied van genetika, molekulêre biologie, soölogie en gerontologie. Die boek Why We Age, deur Steven Austad, sê: “Daar heers ’n gedempte maar waarneembare opwinding wanneer gerontoloë deesdae vergader. Ons is besig om tot die fundamentele prosesse van veroudering deur te dring.”
Daar is baie idees oor waarom ons oud word. Een beskouing is dat veroudering plaasvind omdat mense as ’t ware afslyt; ’n ander een is dat veroudering vooraf geprogrammeer is. Party sê dat die antwoord albei idees omvat. Hoe goed word die verouderingsproses verstaan? Het ons rede om te verwag dat ’n doeltreffende middel teen veroudering ontwikkel sal word?
[Tabel/Prente op bladsy 2, 3]
(Sien publikasie vir oorspronklike teksuitleg)
BENADERDE LEWENSDURE
By
90 dae
↓
Muis
3 jaar
↓
Hond
15 jaar
↓
Aap
30 jaar
↓
Alligator
50 jaar
↓
Olifant
70 jaar
↓
Mens
80 jaar
↓
Papegaai
100 jaar
↓
Reuse-skilpad
150 jaar
↓
Reuse-sequoia
3 000 jaar
↓
Stekelden
4 700 jaar
[Prent op bladsy 3]
Party papegaaie kan 100 jaar lewe, maar mense lewe ongeveer 80 jaar. Navorsers vra: “Wat is die oorsaak van veroudering?”