Hoe kan ouers help?

EEN opvoedkundige organisasie in die Verenigde State daag hoërskoolleerders uit: “Wys dat jy bereid is om jou tot die uiterste in te span.” Sommige jongmense wat hulleself dryf om hulle doelwitte te bereik, probeer meer doen as waartoe hulle fisies in staat is. Madeline Levine, wat in die vorige artikel gemeld is, het geskryf: “Tussen gevorderde akademiese kursusse, etlike buitemuurse bedrywighede, voortydige voorbereiding vir hoërskool of universiteit, spesiale afrigters en onderrigters wat aangestel word om die laaste bietjie uit hulle te probeer wring, vind baie kinders dat hulle lewe tot op die minuut beplan is.” Leerders in hierdie situasie kan fisiese en emosionele skade ly.

As jy bekommerd is oor die stres wat jou kind op skool ondervind, moet jy self na die skool toe gaan. Praat met die onderwysers, voorligters en administrateurs. Sê vir hulle wat jy sien gebeur. Jy het die reg om dit te doen.

Die Bybel moedig ouers aan om noukeurig op hulle kinders se ontwikkeling te let. Moses het vir ouers in die nasie Israel gesê: “Jy moet dit [God se wette] by jou kind inskerp en daaroor praat wanneer jy in jou huis sit en wanneer jy op die pad loop en wanneer jy gaan lê en wanneer jy opstaan.”—Deuteronomium 6:7.

Om ’n lewendige belangstelling in jou kind se opvoeding te toon, beteken nie dat jy inmeng nie. Dit toon dat jou kind jou liefdevolle ondersteuning het. En dit kan baie help om jou kind se stres op skool te verminder.

[Prent op bladsy 8, 9]

Praat met jou kind se onderwysers en voorligters oor die stres waaronder hy verkeer