Is dit ontwerp?

Die waterwerende lotusblaar

◼ Plastiekbekers wat selfreinigend is? Vensters wat droog bly in die reën? Mikroskopiese masjientjies wat werk sonder om veel wrywing te veroorsaak? Wetenskaplikes sê dat dit net ’n paar voordele is wat kan spruit uit die ontrafeling van die lotusblaar se geheime.

Dink hieraan: Die oppervlak van die lotusblaar is bedek met mikroskopiese knoppies wat met waskristalle oortrek is. Waterdruppeltjies wat op die blaar val, word op hierdie struktuurtjies vasgevang, en dit het ’n waterwerende uitwerking. Die helling van die blaar laat die water afloop nog voordat dit kans het om die oppervlak van die blaar te bereik. Die gevolg? Die lotusblaar bly nie net droog nie, maar ook skoon, aangesien stof en ander deeltjies saam met die waterdruppeltjies weggevoer word.

Wetenskaplikes wil materiale ontwikkel wat die lotusblaar se waterwerende eienskappe naboots. Selfs mikroskopiese masjientjies, wat deur water beskadig kan word, sal baat vind by ’n ontwerp wat soortgelyk is aan dié van die lotusblaar. “Die moontlike gebruike is eindeloos”, berig Science Daily.

Wat dink jy? Het die lotusblaar per toeval ontstaan? Of is dit ontwerp?