Sê altyd Dankie!
WANNEER laas het jy ’n dankiesêbriefie ontvang? Wanneer laas het jy een gestuur?
In hierdie wêreld van kuberkommunikasie is handgeskrewe dankbetuigings iets wat besig is om uit te sterf. Maar ’n briefie om “dankie” te sê, is ’n spesiale manier om mense te laat weet dat jy hulle goedhartigheid waardeer. Hier volg ’n paar wenke in dié verband.
1. Skryf die kaartjie met die hand om dit persoonliker te maak.
2. Gebruik die persoon se naam.
3. As jy ’n geskenk ontvang het, noem dit en sê hoe jy dit gaan gebruik.
4. Sê weer dankie wanneer jy afsluit.
’n Dankiesêbriefie skep ’n goeie indruk by die ontvanger.
Wanneer iemand weer gasvryheid aan jou betoon, iets bedagsaams vir jou doen of jou ’n geskenk gee, sal dit goed wees om te toon dat jy dit nie as vanselfsprekend aanvaar nie. Sê altyd dankie!
[Venster/Prente op bladsye 28, 29]
Liewe tannie Marie (2)
Baie dankie vir die wekker! (3) Aangesien ek gereeld verslaap, maak ek reeds goeie gebruik daarvan. Dit was lekker om Tannie verlede week te sien, en ek hoop Tannie het veilig tuis gekom. Ons sien daarna uit om Tannie binnekort weer te sien.
Weer eens baie dankie vir die praktiese geskenk! (4)
Vriendelike groete
Johan
[Prent]
(1)
[Venster op bladsy 29]
WENKE
● Verwys indirek na geldelike geskenke. Moet byvoorbeeld nie die bedrag meld wat jy ontvang het nie, maar sê eerder: “Baie dankie vir jou vrygewigheid. Ek sal jou geskenk gebruik vir . . . ”
● Sluit net inligting in wat verband hou met die geskenk en jou waardering daarvoor. Dit is nie nou die tyd om jou somervakansie of ’n onlangse besoek aan die hospitaal breedvoerig te bespreek nie.
● Moenie kla oor enige probleme wat jy met die geskenk gehad het nie. Dit sou byvoorbeeld ongevoelig wees om te skryf: “Dankie vir die broodrooster—maar dis te groot vir my kombuistoonbank!”
[Venster op bladsy 29]
Die Bybel bevorder ’n gees van dankbaarheid (Lukas 17:11-19). Dit vermaan ons om ‘onophoudelik [tot God] te bid’ en voeg by: “Betuig dank in verband met alles.”—1 Tessalonisense 5:17, 18.