Les 11
Opvattings en gebruike wat God mishaag
Watter soort opvattings en gebruike is verkeerd? (1)
Moet Christene glo dat God ’n Drie-eenheid is? (2)
Waarom vier ware Christene nie Kersfees, Paasfees of verjaarsdae nie? (3, 4)
Kan die dooies die lewendes leed aandoen? (5)
Het Jesus aan ’n kruis gesterf? (6)
Hoe belangrik is dit om God te behaag? (7)
1. Nie alle opvattings en gebruike is sleg nie. Maar God keur hulle nie goed as hulle van valse godsdiens af kom of in stryd is met Bybelleringe nie.—Matteus 15:6.
2. Drie-eenheid: Is Jehovah ’n Drie-eenheid—drie persone in een God? Nee! Jehovah, die Vader, is “die enigste ware God” (Johannes 17:3; Markus 12:29). Jesus is Sy eersgebore Seun, en hy is aan God onderworpe (1 Korintiërs 11:3). Die Vader is groter as die Seun (Johannes 14:28). Die heilige gees is nie ’n persoon nie; dit is God se werkende krag.—Genesis 1:2, NW; Handelinge 2:18.
3. Kersfees en Paasfees: Jesus is nie op 25 Desember gebore nie. Hy is ongeveer 1 Oktober gebore, ’n tyd van die jaar wanneer herders hulle kuddes gedurende die nag buite gehou het (Lukas 2:8-12). Jesus het Christene nooit beveel om sy geboorte te vier nie. Hy het eerder vir sy dissipels gesê om sy dood te herdenk, of te onthou (Lukas 22:19, 20). Kersfees en die gebruike daarvan kom van antieke valse godsdienste. Dit is ook waar van Paasfees-gebruike, soos om eiers en hase te gebruik. Die vroeë Christene het nie Kersfees of Paasfees gevier nie, en ware Christene doen dit vandag ook nie.
4. Verjaarsdae: Die enigste twee verjaarsdagvierings waarvan daar in die Bybel gepraat word, is deur mense gevier wat nie aanbidders van Jehovah was nie (Genesis 40:20-22; Markus 6:21, 22, 24-27). Die vroeë Christene het nie verjaarsdae gevier nie. Die gebruik om verjaarsdae te vier, kom van antieke valse godsdienste. Ware Christene gee geskenke en bring aangename tye saam deur op ander tye gedurende die jaar.
5. Vrees vir die dooies: Die dooies kan niks doen of niks voel nie. Ons kan hulle nie help nie, en hulle kan ons nie kwaad aandoen nie (Psalm 146:4; Prediker 9:5, 10). Die siel sterf; dit lewe nie ná die dood voort nie (Esegiël 18:4). Maar partykeer gee bose engele, wat demone genoem word, voor dat hulle die geeste van die dooies is. Enige gebruike wat te doen het met vrees vir of aanbidding van die dooies is verkeerd.—Jesaja 8:19.
6. Die kruis: Jesus het nie aan ’n kruis gesterf nie. Hy het aan ’n paal gesterf. Die Griekse woord wat in baie Bybels met “kruis” vertaal word, het net een stuk hout beteken. Die simbool van die kruis kom van antieke valse godsdienste. Die kruis is nie deur die vroeë Christene gebruik of aanbid nie. Dink jy dus dat dit reg sou wees om ’n kruis in aanbidding te gebruik?—Deuteronomium 7:26; 1 Korintiërs 10:14.
7. Dit is dalk baie moeilik om party van hierdie opvattings en gebruike te laat vaar. Familielede en vriende probeer jou dalk oortuig om nie jou opvattings te verander nie. Maar dit is belangriker om God te behaag as om mense te behaag.—Spreuke 29:25; Matteus 10:36, 37.
[Prent op bladsy 22]
God is nie ’n Drie-eenheid nie
[Prent op bladsy 23]
Kersfees en Paasfees kom van antieke valse godsdienste
[Prent op bladsy 23]
Daar is geen rede om die dooies te aanbid of hulle te vrees nie