Die lande van die Bybel
TERWYL die Israeliete voorbereidings getref het om die Beloofde Land binne te gaan, het Moses sy brandende begeerte teenoor God uitgespreek: “Laat my asseblief oortrek en die goeie land sien wat oorkant die Jordaan lê, daardie goeie bergstreek.”—De 3:25.
Vir Moses sou dit nie moontlik wees nie, maar hy het wel teen ’n berg opgeklim wat oor Jerigo uitgekyk het en die land gesien—‘Gilead tot by Dan en die land van Juda tot by die westelike see en die Negeb en die Jordaanvallei’ (De 3:27; 34:1-4). Het jy al van hierdie plekke gehoor? Weet jy waar hulle geleë is?
Min van Jehovah se volk kan vandag die plekke besoek waarvan hulle in die Bybel lees. Hulle kan nie doen wat God gesê het hy Abraham sou laat doen nie, naamlik om die Beloofde Land in sy lengte en breedte te deurreis (Ge 13:14-17). Ware Christene wil nogtans graag meer weet omtrent plekke in die Bybel en oor hoe hulle met mekaar verband hou.
‘Sien die goeie land’ is ’n hulpmiddel wat jy kan gebruik om jou begrip van die Skrif uit te brei. Dit bevat foto’s van bestaande plekke, soos byvoorbeeld Gilead, wat op die voorblad verskyn. Nog leersamer is die kaarte, wat jou kennis van plekke in die Bybel grootliks kan laat toeneem.
Die kaart op bladsye 2 en 3 toon vername lande of streke. Wanneer jy byvoorbeeld sien waar Assirië en Egipte ten opsigte van die Beloofde Land gelê het, kan jy die profesieë waarin daardie lande gemeld word, beter verstaan (Jes 7:18; 27:13; Ho 11:11; Mi 7:12). Die smal strook wat die Beloofde Land genoem word, was destyds ’n plek waar baie paaie gekruis het, en ander nasies wou beheer hê oor sy vrugbare graanlande, wingerde en olyfboorde.—De 8:8; Rig 15:5.
Soms sal jy kaarte met mekaar wil vergelyk. Byvoorbeeld, Jona is na die hoofstad van Assirië gestuur, maar hy het na Tarsis weggeseil (Jon 1:1-3). Kan jy daardie plekke op hierdie eerste kaart vind? Maar moenie Tarsis verwar met Tarsus, waar die apostel Paulus gebore is nie. Jy sal Tarsus en ander vername stede op hierdie kaart vind.
Dink aan hoe lank en ver Abraham moes gereis het terwyl jy Ur, Haran en Jerusalem vind. Nadat Jehovah hom uit Ur geroep het, het hy in Haran gewoon en toe na die Beloofde Land getrek (Ge 11:28–12:1; Han 7:2-5). Abraham se reis sal vir jou werkliker word wanneer jy “Die wêreld van die aartsvaders” op bladsye 6-7 bestudeer.
Die eerste kaart en hierdie een dek nie ’n spesifieke tydperk nie. Die kaarte ná hierdie twee is oor die algemeen in geskiedkundige volgorde. Die stede of besonderhede op ’n kaart hou verband met gebeure van ’n sekere tydperk. Terwyl die Indeks (bladsye 34-5) nie elke plek wat op die kaarte verskyn, insluit nie, kan dit jou gewoonlik help om te sien watter kaarte verband hou met die punt wat jy besig is om na te vors.
Die kaart op die middelblad (bladsye 18-19) het die grootste versameling dorpe en stede in die Beloofde Land. Die Kaartlegende sal jou help om die Levitiese stede en die ses vrystede te vind, asook om te weet of ’n plek in die Hebreeuse Geskrifte of die Griekse Geskrifte genoem word, of in albei.
Die ligging van sommige plekke in die Bybel is vandag onbekend en daarom is die meeste van dié name nie op hierdie middelste kaart nie. Dit was ook nie moontlik om elke stad en dorp, soos al die dorpe in die stamgrenslyste, op die kaart in te pas nie (Jos, hfst. 15-19). Maar hierdie kaart sluit gewoonlik nabygeleë stede in, wat jou dan in staat sal stel om min of meer uit te werk waar die ander gelê het. Sekere geografiese kenmerke (berge, riviere en stroomvalleie) word aangegee, en hoogte en terrein word met kleure aangedui. Sulke besonderhede kan jou help om aspekte van Bybelse gebeurtenisse te visualiseer.
Meer inligting oor plekke in die Bybel is beskikbaar in die ensiklopedie Insight on the Scriptures, wat in baie tale beskikbaar is.a Terwyl jy dit en ander Bybelstudiehulpe gebruik, kan jy gerus ‘Sien die goeie land’ byderhand hou. Raadpleeg dit terwyl jy die hele Skrif, wat so nuttig in jou lewe is, bestudeer.—2Ti 3:16, 17.
[Voetnoot]
a Uitgegee deur Jehovah se Getuies.
[Venster op bladsy 5]
BYBELBOEKE IS GESKRYF IN
Babilon
Beloofde Land
Efese
Egipte
Jerusalem
Korinte
Masedonië
Moab
Patmos
Rome
Sesarea
Susan
[Kaart op bladsy 4, 5]
(Sien publikasie vir oorspronklike teksuitleg)
Bybellande en Belangrike stede
A1 ITALIË
A2 ROME
A3 SISILIË
A3 MALTA
C2 MASEDONIË
C2 Filippi
C2 GRIEKELAND
C3 ATENE
C3 Korinte
C3 KRETA
C4 LIBIË
D3 Antiogië (van Pisidië)
D3 Efese
D3 PATMOS
D3 RODOS
D4 MEMFIS
D5 EGIPTE
E2 KLEIN-ASIË
E3 Tarsus
E3 Antiogië (van Sirië)
E3 SIPRUS
E4 Sidon
E4 Damaskus
E4 Tirus
E4 Sesarea
E4 BELOOFDE LAND
E4 JERUSALEM
E4 MOAB
E4 Kades
E4 EDOM
F3 Tuin van Eden?
F3 ASSIRIË
F3 Haran
F3 SIRIË
F3 ARABIË
G3 NINEVE
G4 BABILON
G4 GALDEA
G4 Susan
G4 Ur
H3 MEDIË
[Berge]
E5 Berg Sinai
G2 ARARAT-GEB.
[Watermassas]
C3 Middellandse See (Groot See)
E1 Swart See
E5 Rooi See
H2 Kaspiese See
H5 Persiese Golf
[Riviere]
D5 Nylrivier
F3 Eufraatrivier
G3 Tigrisrivier