Moenie die “Suiwer Taal”-Streekbyeenkoms misloop nie!
Vier lonende dae van Bybelonderrig wag op jou. Wees teenwoordig wanneer die program Donderdag om 1:30 nm. begin. Geniet die gedagteprikkelende toespraak “Is jou vriende Jehovah se vriende?” sowel as die programrede, “’n Suiwer taal vir alle nasies”. Die middag se slottoespraak “Red jou lewe met bloed—Hoe?” sal die antwoord verskaf op die vraag: Is bloed werklik nodig om lewe te red?
Vrydag se oggendsessie begin om 9:30 vm. Wees teenwoordig om baat te vind by die indringende toespraak “Christus het ‘wetteloosheid gehaat’—Haat jy dit?” sowel as by die aanmoedigende bespreking “Verwerp wêreldse fantasieë, streef Koninkrykswerklikhede na”. Gedurende die middag sal daar praktiese wenke gegee word oor maniere om binne ’n mens se inkomste te lewe. Daar sal aan ouers getoon word hoe hulle hul verpligtinge beter kan nakom, en ’n hedendaagse drama sal uitstekende raad vir jongmense gee oor deelname aan buitemuurse skoolbedrywighede.
Tydens Saterdagoggend se sessie sal die toespraak oor toewyding en doop gehou word, sowel as ’n bespreking van die belangrikheid om opofferings te maak om persoonlike Bybelstudie te doen. “Jehovah se hemelse strydwa ruk op” is ’n aangrypende toespraak gedurende die middag se program. Daar sal ook kragtige herinneringe wees in verband met ons Christelike verantwoordelikheid om diegene wat deur valse godsdiens verblind is te help, en daar sal praktiese hulp gegee word om hierdie verantwoordelikheid te vervul.
Jy moet Sondagoggend teenwoordig wees om die kragtige boodskap wat teen die Christendom en sy geestelikes gegee gaan word te hoor. Dit sal gevolg word deur ’n gekostumeerde drama wat op gebeure in die lewe van Jehu en Jonadab gegrond is. Dan, in die middag, moet jy beslis die toespraak “Word verenig deur die suiwer taal” hoor.
Gedurende November en Desember sal daar 20 byeenkomste dwarsdeur Suider-Afrika alleen gehou word, en daar sal dus een nie ver van jou huis wees nie. Vind by Jehovah se Getuies plaaslik uit wanneer en waar die een naaste aan jou gehou gaan word.