Kom na die “Vreugdevolle Lowers”-Streekbyeenkoms

WAT ’n pragtige tema is vir die 1995-streekbyeenkomste gekies: “Vreugdevolle Lowers”! Dit is beslis wat Jehovah se Getuies is. Lowers van wie? Van Jehovah God, natuurlik!

Jehovah is weergaloos, onvergelyklik en uniek op soveel maniere. Hy is alvermoënd, alwetend, volmaak in geregtigheid en die verpersoonliking van liefde. Hy is waardig, bo alle ander, om ons aanbidding en lof te ontvang.

Ons wil tog sekerlik vreugdevolle lowers van hom wees! Om ons te help, het die Bestuursliggaam van Jehovah se Getuies ’n puik byeenkomsprogram van drie dae gereël wat in die middel van 1995 begin. Hierdie drie dae sal beslis vreugdevol wees, en elke Getuie van Jehovah sal sy uiterste bes wil doen om van die openingslied, Vrydagoggend, tot die slotlied en -gebed, Sondagmiddag, teenwoordig te wees.