Onthou jy?

Het jy dit geniet om die onlangse nommers van Die Wagtoring te lees? Wel, kyk of jy die volgende vrae kan beantwoord:

• Wat was die Complutensiese Poliglot, en waarom was dit betekenisvol?

Dit was ’n gedrukte, veeltalige Bybel waarin die beste teks wat destyds in Hebreeus, Grieks en Latyn beskikbaar was, tesame met sekere dele in Aramees, langs mekaar in parallelle kolomme gerangskik is. Hierdie veeltalige Bybel was ’n reusestap vorentoe om ’n verbeterde teks van die oorspronklike tale voort te bring.—4/15, bladsye 28-31.

• Hoe kan mense God bly maak?

As ’n werklike, lewende persoon het Jehovah die vermoë om te dink, op te tree en te voel. Hy is “die gelukkige God” en skep behae daarin om sy voorneme te vervul (1 Timoteus 1:11; Psalm 104:31). Hoe meer ons ingestel is op God se gevoelens, hoe meer sal ons bewus word van wat ons kan doen om God se hart bly te maak.—5/15, bladsye 4-7.

• Waarom het Dawid sy vrou Migal toegelaat om ’n terafimbeeld te hê?

Toe koning Saul van plan was om Dawid dood te maak, het Migal hom gehelp om te ontsnap deur ’n beeld, wat dalk die vorm van ’n man gehad het, op die slaapbank te sit. Sy het moontlik ’n terafim gehad omdat sy God nie met ’n volkome hart gedien het nie. Dawid het óf nie daarvan geweet nie óf hy het dit geduld omdat sy die dogter van koning Saul was (1 Kronieke 16:25, 26).—6/1, bladsy 29.

• Waarop het God se wette in verband met bloed in werklikheid die aandag gevestig?

Deur wat God gesê het ná die Vloed, in die Mosaïese Wet en in die gebod in Handelinge 15:28, 29, het hy vooruitgewys na die offerande waarby Jesus se vergote bloed betrokke was. Dit is slegs deur daardie bloed dat ons vergifnis kan ontvang en vrede met God kan geniet (Kolossense 1:20).—6/15, bladsye 14-19.

• Hoeveel van Jesus se wonderwerke word in die Bybel genoem?

Die Evangelieverslae verwys na 35 van Jesus se wonderwerke. Maar die presiese aantal wonderwerke wat Jesus verrig het, insluitende dié wat nie genoem word nie, is onbekend (Matteus 14:14).—7/15, bladsy 5.