“Die nuwe millennium—Wat hou die toekoms vir jou in?”
1 Mense regoor die aarde wonder oor hierdie vraag. Hoewel die mensdom deur die eeue heen baie bereik het, is mense ontnugter omdat die basiese probleme wat die mens al millenniums lank teister nog steeds bestaan (Job 14:1; Ps. 90:10). Waar kan die mensdom verligting vind?
2 Gedurende Oktober en November sal ons ’n spesiale geleentheid hê om vir ons bure die antwoord op daardie vraag te gee. Hoe? Deur die verspreiding van Koninkryksnuus Nr. 36. Die tema daarvan is: “Die nuwe millennium—Wat hou die toekoms vir jou in?” Gedurende die eerste helfte van Oktober sal ons Die Wagtoring en Ontwaak! aanbied. Dan, van Maandag, 16 Oktober, tot Vrydag, 17 November, sal ons deelneem aan ’n intensiewe verspreiding van Koninkryksnuus Nr. 36. Gedurende hierdie kampanje sal ons ons daarop toespits om Koninkryksnuus Nr. 36 op weeksdae te versprei. Oor naweke sal ons dit saam met die jongste tydskrifte aanbied.
3 Gaan jy ’n volle deelname hê? Ouer manne, bedieningsknegte en pioniers sal die leiding in hierdie kampanje wil neem, aangesien hulle aan die spits van hierdie werk staan. Baie verkondigers het hulle omstandighede aangepas om hulppionierdiens gedurende een of albei maande van die verspreiding te doen. Ander beplan om meer tyd as gewoonlik aan die bediening te bestee.
4 Gemeentelike Boekstudiehouers kan ’n groot rol speel om elkeen in hulle groep aan te moedig om ’n volle deelname aan die verspreiding van Koninkryksnuus Nr. 36 te hê. Daar is dalk verkondigers wat onbedrywig in die predikingswerk geword het. Ouer manne moet hulle besoek om te kyk hoe hulle gehelp kan word. Dalk kan daar gereël word dat elke onbedrywige persoon gedurende hierdie maande deur ’n ervare verkondiger in die veld vergesel word. Die eenvoudige aanbieding van Koninkryksnuus Nr. 36 is dalk net wat nodig is om weer van hulle bedrywige verkondigers te maak.
5 Dit sal ook ’n goeie geleentheid wees vir Bybelstudente wat al ver in die Kennis-boek gevorder het en wat as ongedoopte verkondigers kwalifiseer om aan die bediening te begin deelneem. Selfs jongmense kan ’n goeie aandeel aan hierdie opwindende werk hê.
6 ’n Eenvoudige aanbieding is al wat nodig is. Jy kan sê:
◼ “Ek het my tyd aangebied om hierdie baie belangrike boodskap te help versprei aan elke gesin in [noem die stad of dorp]. Hier is jou eksemplaar. Lees dit asseblief.” Dit sal dalk raadsaam wees om nie ’n velddienssak by jou te hê wanneer jy Koninkryksnuus Nr. 36 versprei nie.
7 Goed beplande velddiensvergaderinge: Die ouer manne moet toesien dat velddiensreëlings gerieflik en prakties is. Veral die diensopsiener moet seker maak dat daar genoeg huis-tot-huis- en sakegebied beskikbaar is sodat elkeen ’n volle aandeel aan die werk kan hê. Waar moontlik moet daar velddiensvergaderinge vir elke weeksdag gereël word, asook vir die naweke en die aande. Reëlings kan vir die laatmiddae gemaak word ter wille van skoolkinders, skofwerkers en ander.
8 As mense nie tuis is nie: Ons doel is om met soveel huisbewoners as moontlik te praat. As jy niemand tuis vind nie, moet jy die adres neerskryf en op ’n ander tyd van die dag teruggaan. As jy teen die laaste week van die kampanje nog nie met hierdie huisbewoners in aanraking gekom het nie, kan jy vir hulle ’n eksemplaar van Koninkryksnuus Nr. 36 laat op ’n plek waar verbygangers dit nie sal sien nie. Die plaaslike ouer manne kan vir die gemeente sê om ’n eksemplaar van Koninkryksnuus Nr. 36 te laat waar mense tydens die eerste besoek nie tuis is nie, veral wanneer hulle in ontoegekende of plattelandse gebied werk en ook waar daar meer gebied is as wat gedurende die kampanje gedek kan word.
9 Spring aan die werk! Gemeentes moet hulle gebied probeer dek voor die kampanje op 17 November tot ’n einde kom. As julle gebied baie groot is, kan party verkondigers alleen werk waar dit prakties en veilig is. Hierdie reëling sal dit makliker maak om soveel verdienstelikes as moontlik te bereik. Maak seker dat jy goed rekord hou van al die belangstelling wat gevind word.
10 Die ouer manne moet bereken hoeveel ekstra tydskrifte die gemeente nodig gaan hê en dit dan bestel. Spesiale, gewone en hulppioniers sal elk 250 eksemplare van Koninkryksnuus Nr. 36 ontvang om te versprei, terwyl gemeentelike verkondigers 50 eksemplare elk sal kry. Is jy dus gereed en gretig om aan die werk te spring in hierdie spesiale bedrywigheid? Hoe bevoorreg is ons tog om al ons bure te laat weet wat God vir die nabye toekoms voorspel het!