Wat ons oor die tydskrifte kan sê

Wagtoring 15 Jun.

“Party mense meen dat Jesus die grootste mens in die geskiedenis was. Ander twyfel of hy ooit bestaan het. Dink jy dit maak saak wat ons oor hom glo? [Wag vir ’n antwoord; lees dan Handelinge 4:12.] Watter bewys is daar dat Jesus werklik op die aarde was? Dié tydskrif bespreek hierdie vraag.”

Ontwaak! 22 Jun.

“Baie mense is besorg oor die omgewing. Dink jy dit sal moontlik wees om die wêreld se tropiese reënwoude te bewaar? [Wag vir ’n antwoord.] Hierdie tydskrif beskryf pogings wat tans aangewend word om die reënwoude te beskerm. Dit bespreek ook hoe hierdie pragtige belofte van God vervul sal word.” Lees Jesaja 11:9.

Wagtoring 1 Jul.

“Een van die mens se mees basiese behoeftes is om liefde te gee en te ontvang. [Lees die aanhaling onder die titel op bladsy 4.] Maar het jy opgemerk dat dit die neiging in vandag se samelewing is om ander dinge as belangriker te beskou? [Wag vir ’n antwoord.] Hierdie tydskrif bespreek wat opregte liefde is en hoe dit aangekweek kan word.” Lees 1 Korintiërs 13:2.

Ontwaak! 8 Jul.

“Baie mense vind die toename in sinnelose geweld ontstellend. [Meld ’n voorbeeld wat plaaslik bekend is, en wag vir ’n antwoord.] Hierdie tydskrif ondersoek van die faktore wat tot geweldsmisdade bydra. Dit verduidelik ook hoe God misdaad en geweld geheel en al sal uitwis.” Lees Psalm 37:10, 11.