Twaalf redes om die predikingswerk te doen

Waarom verkondig ons die goeie nuus en onderrig ons ander? Is dit hoofsaaklik om opregtes van hart te help om op die pad na die lewe te kom? (Matt. 7:14). Dit is die eerste rede wat hieronder gemeld word, maar dit is nie ons vernaamste rede nie. Watter een van die volgende 12 redes om aan die bediening deel te neem, dink jy is die belangrikste?

1. Dit help om lewens te red.—Joh. 17:3.

2. Dit dien as waarskuwing vir die goddeloses.—Eseg. 3:18, 19.

3. Dit dra by tot die vervulling van Bybelprofesie.—Matt. 24:14.

4. Dit is ’n blyk van God se regverdigheid. Geen beskuldiging kan teen Jehovah ingebring word dat hy die goddeloses vernietig het sonder om hulle die geleentheid te bied om berou te toon nie.—Hand. 17:30, 31; 1 Tim. 2:3, 4.

5. Dit stel ons in staat om ons verpligting na te kom om geestelike hulp te verleen aan mense wat met die bloed van Jesus gekoop is.—Rom. 1:14, 15.

6. Dit maak dit vir ons moontlik om bloedskuld te vermy.—Hand. 20:26, 27.

7. Dit is ’n vereiste vir ons eie redding.—Eseg. 3:19; Rom. 10:9, 10.

8. Dit is ’n blyk van naasteliefde.—Matt. 22:39.

9. Dit toon dat ons gehoorsaam is aan Jehovah en sy Seun.—Matt. 28:19, 20.

10. Dit is ’n deel van ons aanbidding.—Heb. 13:15.

11. Dit is ’n blyk van ons liefde vir God.—1 Joh. 5:3.

12. Dit dra by tot die heiliging van Jehovah se naam.—Jes. 43:10-12; Matt. 6:9.

Dit is natuurlik nie die enigste redes waarom ons aan die bediening deelneem nie. Byvoorbeeld, die predikingswerk versterk ons geloof en bied ons ook die voorreg om God se medewerkers te wees (1 Kor. 3:9). Maar die belangrikste rede om aan die bediening deel te neem, is nommer 12. Ongeag hoe mense reageer, die bediening dra by tot die heiliging van God se naam en voorsien Jehovah van ’n antwoord aan die een wat hom uittart (Spr. 27:11). Ons het beslis dwingende redes om ‘sonder ophou voort te gaan om te leer en die goeie nuus bekend te maak’.—Hand. 5:42.