DIE CHRISTELIKE LEWENSWYSE
Sien jouself soos Jehovah jou sien
“Jehovah vind vreugde in sy volk” (Ps 149:4). Al is ons onvolmaak, sien hy ons goeie eienskappe en ons potensiaal. Maar soms vind ons dit dalk moeilik om so ’n gebalanseerde beskouing van onsself te hê. Ons sukkel dalk met gevoelens van waardeloosheid as gevolg van hoe ander ons behandel. Of as ons dalk fokus op foute wat ons in die verlede gemaak het, kan ons dalk twyfel of Jehovah ons regtig liefhet. Wat kan ons help wanneer ons so voel?
Hou in gedagte dat Jehovah sien wat mense nie kan sien nie (1Sa 16:7). Dit beteken dat hy selfs dinge in ons raaksien wat ons nie in onsself sien nie. Gelukkig help die Bybel ons om te verstaan hoe Jehovah ons sien. Wanneer ons Bybeltekste en -verslae lees oor hoe baie Jehovah sy aanbidders liefhet, help dit ons om te verstaan hoe Jehovah oor ons voel.
KYK NA DIE VIDEO STEL JOU HART GERUS VOOR JEHOVAH, EN BEANTWOORD DAN DIE VOLGENDE VRAE:
Wat leer die illustrasie oor ’n hardloper en sy pa ons oor hoe Jehovah ons sien?
As ’n persoon wat ’n ernstige sonde gepleeg het die nodige stappe neem om sy verhouding met Jehovah reg te stel, hoe kan hy sy hart voor Hom gerusstel? – 1Jo 3:19, 20
Hoe het dit die broer gehelp toe hy die verslag oor Dawid en Josafat gelees het en daaroor nagedink het?