DIE CHRISTELIKE LEWENSWYSE

Is jy gereed vir ’n ekonomiese krisis?

Ons is nie verbaas wanneer wêreldgebeure onstabiele ekonomiese toestande wêreldwyd veroorsaak nie. Hoekom nie? Omdat ons diep in die laaste dae lewe en die Bybel waarsku ons ‘om nie op rykdom te vertrou wat kan verdwyn nie’ (1Ti 6:17; 2Ti 3:1). Wat kan koning Josafat se voorbeeld ons leer oor hoe om voorbereid te wees vir ’n ekonomiese krisis?

Josafat het op Jehovah vertrou toe sy vyande hom wou aanval (2Kr 20:9-12). Hy het ook praktiese stappe geneem om die nasie voor te berei deur die stede te versterk en deur militêre kampe op te rig (2Kr 17:1, 2, 12, 13). Soos Josafat moet ons op Jehovah vertrou en praktiese stappe neem om vir moeilike tye voor te berei.

WAT KAN ONS DOEN OM VIR ’N EKONOMIESE KRISIS VOOR TE BEREI?

Versterk jou verhouding met Jehovah: Wees tevrede met wat jy het en versterk jou vertroue in Jehovah se vermoë om in jou daaglikse behoeftes te voorsien (Mt 6:26; 1Ti 6:8). Wees vasbeslote om nooit op te hou om Bybelbeginsels toe te pas net sodat jy in daardie behoeftes kan voorsien nie (Ro 2:21). Dink aan hoe jy geestelike voedsel in die hande sou kry as daar nie elektrisiteit of internet is nie. Hou ’n paar gedrukte publikasies byderhand en as dit moontlik is, laai elektroniese publikasies voor die tyd af.

Berei goed voor: Verminder skuld en onnodige uitgawes voor ekonomiese probleme ontstaan (Spr 22:7). As dit moontlik is, stoor genoeg kos en ander benodigdhede. Party sal dalk daaraan dink om ’n groentetuin te begin om geld te spaar.

KYK NA DIE VIDEO IS JY VOORBEREID VIR ’N RAMP?, EN BEANTWOORD DAN DIE VOLGENDE VRAE:

’n Toneel uit die video “Is jy voorbereid vir ’n ramp?” Prentjies van ’n Bybel, ’n grypsak en ’n slimfoon en konstruksiewerkers.

Wat kan ons persoonlik doen om vir ’n ramp voor te berei?

Your answer

’n Toneel uit die video “Is jy voorbereid vir ’n ramp?” Broers help met noodlenigingswerk deur bouwerk te doen en materiaal op ’n trok te laai.

Hoe kan ons voorbereid wees om ander te help?

Your answer