Die bedrywighede van Jehovah se Getuies in hedendaagse tye

Noorweë

Stel jou voor dat jy die goeie nuus moet verkondig in ’n land van fjords, berge, ys, sneeu en rendiere—’n land waar die glinsterende noorderlig die winterhemel verlig. Noorweë is so ’n land. Lees van ons broers wat bote en ski’s gebruik het om mense te bereik wat op afgesonderde plekke woon en van ’n broer wat kaalvoet na die vergadering geloop het. Vind ook uit hoe Christene geloof en moed onder die juk van Nazi-besetting aan die dag gelê het.

Rwanda

Die selfopofferende liefde wat Jesus gesê het sy dissipels sou kenmerk, blyk duidelik uit die geskiedenis van hierdie Afrikaland. Te midde van ’n klimaat van etniese haat wat op ’n afgryslike volksmoord uitgeloop het, het Jehovah se knegte hulle lewe gewaag en soms verloor om mekaar te beskerm. Hier is ’n onvergeetlike verhaal van volharding tydens vervolging en verbiedinge en ’n rekord van onkreukbaarheid ondanks ontberinge, beproewinge en verskrikking.