’n Video waaroor ons ernstig moet nadink
“Hierdie video laat ’n mens regtig dink!”
“Dit het my diep getref!”
“Ek is deur emosie oorweldig!”
1 Is dit hoe jy gevoel het toe jy vir die eerste keer na die video Young People Ask—How Can I Make Real Friends? gekyk het? ’n Paar jaar gelede het ’n jong broer deur ’n moeilike tyd in sy lewe gegaan weens die vriende wat hy gekies het. Hulle het gemaak dat hy belangstelling in die waarheid verloor het, en hy het sy verhouding met Jehovah verloor. Toe is die Real Friends-video vrygestel. Hy het geskryf: “Terwyl ek oor en oor na die video gekyk het, het trane oor my wange gerol. Ek het Jehovah bedank vir die hulp op die regte tyd.” Die video het hom aangespoor om ’n nuwe blaadjie om te slaan en om die regte soort vriende te maak. Hy het bygevoeg: “Dit is duidelik dat julle op hoogte is met die dinge waarmee jongmense te kampe het.” Ouers en jongmense, julle kan gerus weer tydens julle volgende gesinstudie na die video kyk. Stop dit na elke gedeelte en bespreek die vrae in die volgende paragrawe op ’n openhartige en eerlike wyse.
2 Inleiding: Wat is ’n ware vriend?—Spr. 18:24.
3 Hindernisse op die weg na vriendskap: Hoe kan jy die gevoel dat jy uitgesluit word, te bowe kom? (Fil. 2:4). Waarom moet jy bereid wees om jou persoonlikheid te verbeter, en wie kan jou help om dit te doen? Wat sal geleenthede skep om meer vriende te maak, en waar kan hulle gevind word?—2 Kor. 6:13.
4 Vriendskap met God: Hoe kan jy ’n hegter verhouding met Jehovah opbou, en waarom is dit die moeite werd? (Ps. 34:8). Wie kan jou die beste help om jou verhouding met God te versterk?
5 Die verkeerde soort vriende: Wie is slegte omgang? (1 Kor. 15:33). Hoe kan die verkeerde vriende jou geestelike ondergang beteken? Wat leer jy uit die Bybelverslag oor Dina?—Gen. 34:1, 2, 7, 19.
6 ’n Hedendaagse drama: Watter uitwerking het eensaamheid op Tara gehad? Hoe het sy haar omgang met wêreldse jongmense geregverdig? Aan watter gevare het hulle haar blootgestel? Waarom het haar ouers nie gesien in watter gevaar sy verkeer nie, maar met watter gesindheid het hulle haar gehelp om geestelik te herstel? Hoe het ’n pioniersuster getoon dat sy ’n ware vriend vir Tara was? Waarom moet Christene gehoor gee aan Spreuke 13:20 en Jeremia 17:9? Watter belangrike les het Tara geleer?
7 Slot: Watter lesse het jy uit hierdie video geleer? Hoe kan jy dit gebruik om ander te help?—Ps. 71:17.