The Bible—A Book of Fact and Prophecy

Mankind’s Oldest Modern Book is die eerste van drie afsonderlike video-aanbiedings op die DVD The Bible—A Book of Fact and Prophecy. Beantwoord die volgende vrae nadat jy na hierdie video gekyk het:

(1) In watter opsigte stem die Bybel ooreen met die moderne wetenskap? (2) Hoe kan ons seker wees dat die Bybels wat ons vandag het, die oorspronklike geskrifte akkuraat weergee? (3) Wat is ’n besondere kenmerk van die teks van eertydse Bybelmanuskripte? (4) Hoe het John Wycliffe, Johannes Gutenberg, William Tyndale, Johannes Hus, Martin Luther, Casiodoro de Reina en Charles Taze Russell bygedra tot die verspreiding van God se Woord regoor die wêreld, en hoe het die kerk die Bybel hewig teëgestaan? (5) Hoe het die Bybel se praktiese raad mense gehelp met gesondheidsprobleme (Ps. 34:8), kompulsiewe dobbelary (1 Tim. 6:9, 10), gevalle waar huweliksmaats uitmekaargegaan het of waar egbreuk gepleeg is (1 Kor. 13:4, 5; Ef. 5:28-33) en ’n beheptheid met materiële rykdom (Matt. 16:26)? (6) Watter bewyse is daar dat die toepassing van skriftuurlike beginsels mense kan help om nasionale, etniese en rassehaat te bowe te kom (Luk. 10:27)? (7) In watter opsigte het die toepassing van Bybelbeginsels jou gelukkiger gemaak? (8) Hoe kan jy hierdie video gebruik om ander te help?—Sien Ons Koninkryksbediening vir Februarie 2006, bladsy 8.