Van ons lesers

Goeie gesondheid Die reeks “Goeie gesondheid vir almal—Is dit moontlik?” (8 Junie 2001) het my ontsaglik baie bemoedig en aangespoor. Ek ly aan ’n geestesiekte en het al in die verlede selfmoord oorweeg. Ek wonder elke dag: ‘Hoe gaan ek deur hierdie dag kom?’ Hierdie tydskrif het my herinner aan Jehovah se belofte in Openbaring 21:4 om ‘elke traan van ons oë af te vee’.

C. T., Japan

Dankie vir julle uitstekende artikels. As ’n natuurgeneser sien ek uit na die dag wanneer daar geen siekte sal wees nie. Dan kan ek rus van my arbeid as geneesheer en begin boer—die ander werk waarvoor ek, naas die geneeskunde, ’n besondere liefde het!

B. C., Verenigde State

Digkuns Ek wil graag vir julle vertel hoe baie ek julle artikel “Skilder met woorde” (8 Junie 2001) geniet het. Sedert my aftrede het ek begin gedigte skryf, wat my groot vreugde en genoegdoening verskaf.

J. B., Brittanje

Sedert my kinderdae is ek lief vir die geskrewe woord, en dit is hoe ek die digkuns ontdek het. Dankie vir die gedagte dat “pragtige gedigte . . . selde die werk van ’n ligsinnige verstand” is. Baie mense dink dat dit ’n teken van swakheid is om gedigte te skryf. Dit is een van die mooiste letterkundige vorme, en ek is bly om te weet ons Skepper dink ook so.

M. T., Chili

Katedrale Ek het die artikel “Katedrale—Monumente vir God of mense?” (8 Junie 2001) geniet. Maar bou Jehovah se Getuies dan nie groot Koninkryksale en Byeenkomssale nie?

R. B., Verenigde State

“Ontwaak!” antwoord: Ons het nie die bou van katedrale gekritiseer net omdat hulle groot is nie, maar omdat die dryfkrag agter die bouwerk dikwels, soos een geskiedskrywer dit noem, die “verwaande trots” van godsdiensleiers was. Dit was ook dikwels ’n groot las vir gemeentelede om hierdie groot geboue te finansier. In teenstelling hiermee is Koninkryksale en Byeenkomssale beskeie geboue wat nie opgerig word om enige mens te eer nie. Dit dien eerder as plekke van aanbidding. Hierdie sale word deur vrywillige bydraes gefinansier en plaas nie ’n onredelike finansiële las op enigiemand nie.

Motte Ek is 14 jaar oud, en ek was beïndruk toe ek die artikel “Die pragtige mot” (8 Junie 2001) gelees het. Ek was nog altyd bang vir motte, maar nadat ek die artikels gelees het, sal ek twee keer dink voordat ek hulle doodslaan!

D. S., Verenigde State

Terwyl ek die artikel gelees het, het ’n mot naby my voete kom sit. Ek het nog nooit so ’n mooi mot gesien nie! Die natuur is voorwaar wonderlik, en as ons dit waarneem, kan dit ons liefde vir Jehovah net vergroot.

G. P., Italië

Ek het gedink motte is oninteressante insekte omdat ek nie besef het hoe pragtig hulle is en hoeveel verskillende soorte Jehovah geskep het nie. Kort nadat ek die artikel gelees het, het ek ’n pragtige mot gesien terwyl ek my plante natgegooi het. Ek het Jehovah gedank vir sy skepping en vir die artikel wat my meer oplettend gemaak het.

C. S., Verenigde State

Rooigety Ek is ’n onderwyser en gee klas oor die behoorlike benutting en bestuur van ons kushulpbronne. Ek het byna moed opgegee in my soektog na ’n artikel wat rooigety mooi verduidelik. Toe het die nuttige artikel “Wanneer die water rooi word” (8 Junie 2001) gekom. Baie dankie dat julle dit gepubliseer het.

J.O.P., Filippyne