’n Beter môre?

Die toekoms is ’n onderwerp waarin mense intens belangstel. Wie van ons wil nie graag weet wat ons volgende maand, volgende jaar of selfs ’n dekade van nou af gaan doen nie? Op ’n groter skaal gesien, hoe sal die wêreld oor 10, 20 of 30 jaar wees?

HET jy ’n optimistiese beskouing van die toekoms? Miljoene mense het, en hulle kan in twee groepe verdeel word: diegene wat sê dat hulle grondige redes het vir hulle beskouing dat dinge sal verbeter en diegene wat ’n positiewe uitkyk behou bloot omdat die alternatiewe te somber is om te oorweeg.

Vir party lyk dit natuurlik of daar geen goeie nuus in die vooruitsig is nie. Onder hulle is doemprofete wat dit blykbaar geniet om ’n apokaliptiese vernietiging van die planeet Aarde te verkondig. Volgens hulle beskouing van die toekoms sal daar min, indien enige, oorlewendes wees.

Hoe lyk die toekoms vir jou? Beskou jy dit as ’n tyd van duisternis en onheil of as ’n tyd van vrede en veiligheid? As jy die laasgenoemde verwag, waarop berus jou hoop—wensdenkery of grondige bewyse?

In teenstelling met die doemprofete glo die uitgewers van die Ontwaak! nie dat die mensdom op uitwissing afstuur nie. Inteendeel, die Bybel voorsien gegronde redes om te glo dat die beste tyd nog voorlê.

[Foto-erkenning op bladsy 5]

U.S. Department of Energy photograph