Van elektriese krag tot geestelike lig

DEUR ONTWAAK!-MEDEWERKER IN ITALIË

◼ In die vroeë 1900’s het nywerhede in die berge van Pistoia, Italië, begin opskiet. ’n Elektriese spoorweg is gebou om grondstowwe sowel as vervaardigde produkte te vervoer. Die smalspoorweg is op 21 Junie 1926 ingewy en het vir sowat 15 kilometer deur die heuwels en berge gekronkel.

Elektriese krag is aan die trein voorsien deur middel van ’n substasie (links bo). Ná verloop van tyd het ’n afname in kommersiële verkeer egter daartoe gelei dat die spoorweg in onbruik verval het, en dit is in 1965 gesluit. Maar wat het geword van die geboue wat langs die spoorweg gebou is? Party het bouvallig geraak en ander is in kroeë en busdepots omskep.

Die elektriese substasie is gerestoureer. In 1997 het die San Marcello Pistoiese-vereniging van Jehovah se Getuies dit gekoop en in een van die merkwaardigste Koninkryksale in Toskane omskep (links onder). Die lede van die gemeente wat in hierdie voormalige substasie vergader, ‘skyn as ligte’ in hierdie bergagtige gebiede deur die goeie nuus van God se Koninkryk te verkondig (Filippense 2:15; Matteus 24:14). Ja, ’n gebou wat oorspronklik gebruik is om krag in letterlike sin te versprei, word nou gebruik om geestelike lig uit te straal.—Matteus 5:14-16; 28:19, 20.