መዝሙር
ለሙዚቀኞች ቡድን መሪ፤ በባለ አውታር መሣሪያዎች የሚታጀብ። ማስኪል።* የዳዊት መዝሙር።
2 ትኩረት ስጠኝ፤ መልስልኝም።+
እነሱ በእኔ ላይ መከራ ይከምራሉና፤
በቁጣም ተሞልተው በጥላቻ ዓይን ያዩኛል።+
5 ፍርሃት አደረብኝ፤ ደግሞም ተንቀጠቀጥኩ፤
ብርክም ያዘኝ።
6 እኔም እንዲህ እላለሁ፦ “ምነው እንደ ርግብ ክንፍ በኖረኝ!
በርሬ ሄጄ ያለስጋት በኖርኩ ነበር።
7 እነሆ፣ ወደ ሩቅ ቦታ በበረርኩ፣+
በምድረ በዳም በቆየሁ ነበር።+ (ሴላ)
8 ከአውሎ ነፋስና ከውሽንፍር ሸሽቼ
መጠለያ ወደማገኝበት ቦታ ፈጥኜ በሄድኩ ነበር።”
9 ይሖዋ ሆይ፣ ግራ አጋባቸው፤ ዕቅዳቸውንም አጨናግፍ፤+
በከተማዋ ውስጥ ዓመፅና ብጥብጥ አይቻለሁና።
10 ቅጥሮቿ ላይ ወጥተው ቀንና ሌሊት ይዞራሉ፤
በውስጧም ተንኮልና መከራ አለ።+
11 ጥፋት በመካከሏ አለ፤
ጭቆናና ማታለል ከአደባባይዋ ፈጽሞ አይጠፉም።+
በእኔ ላይ የተነሳው ባላጋራ አይደለም፤
ቢሆንማ ኖሮ ከእሱ በተሸሸግኩ ነበር።
14 በመካከላችን የጠበቀ ወዳጅነት ነበር፤
ከብዙ ሕዝብ ጋር ወደ አምላክ ቤት አብረን እንሄድ ነበር።
15 ጥፋት በድንገት ይምጣባቸው!+
በሕይወት ሳሉ ወደ መቃብር* ይውረዱ፤
ክፋት በመካከላቸውና በውስጣቸው ያድራልና።
16 እኔ በበኩሌ አምላክን እጣራለሁ፤
ይሖዋም ያድነኛል።+
አምላክን የማይፈሩት እነዚህ ሰዎች+
ለመለወጥ ፈቃደኞች አይደሉም።
21 የሚናገራቸው ቃላት ከቅቤ ይልቅ የለሰለሱ ናቸው፤+
በልቡ ውስጥ ግን ጠብ አለ።
ቃሎቹ ከዘይት ይልቅ የለሰለሱ ቢሆኑም
እንደተመዘዘ ሰይፍ ናቸው።+
23 አምላክ ሆይ፣ አንተ ግን ወደ ጥልቅ ጉድጓድ ታወርዳቸዋለህ።+
የደም ዕዳ ያለባቸውና አታላይ የሆኑ ሰዎች የዕድሜያቸውን ግማሽ እንኳ አይኖሩም።+
እኔ ግን በአንተ እታመናለሁ።