Junio

Feichi pofre lantu domo rume cüdautuquei ñi nieal chem rume. Felefulu rume, ñochiquechi conpui cheu ñi tucungequem plata, fei tucupui epu pichique moneda, nehue triliulai rume tañi moneda. Jesús quimniefui chumten moneda ñi tucun, lepton pingequefui feichi moneda. Tüfa nehue falilafui. Pu pichique gorrion müte falilafui, huelu quiñe gorrion rume ngillangelayafui feichi epu lepton mu. Jesús afmatulehuei ñi femün tüfachi lantu domo. Jesús feipifi tañi pu discipulo ñi inaduamafiel, fei feipifi engün: “Tüfachi pofre lantu domo doi alün tucupai com ti caquelu pu che meu [...]. Com caquelu hulquei engün tañi sofrantunieelchi plata, huelu ti domo, pofrengefui rume, huli com ñi niefel tañi mongeluhuam” (Mar. 12:43, 44). Tüfachi domo com tuculu tañi nieelchi plata caja mu, pengeli tañi rüf maneluucülen Jehová ñi quisucünunoaeteu (Sal. 26:3). w21.04 pag. 6 parr. 17, 18

Miyaupalu Mapu mu, Jesús amuldunguchequefui ca maneluucülequefui ñi allcütungeal. Fei Jesús ayüniei taiñ femngechi femal iñchiñ (Juan 4:35, 36). Cuifi mu, Jesús tañi pu inanieteu ayühunquechi amuldunguquefuingün (Luc. 10:1, 5-11, 17). Huelu presuntucungelu ca langümngelu ta Jesús, ayühunquechi amuldunguhuelaingün (Juan 16:32). Huiñomongetulu Jesús, feipifi ñi pu inanieteu ñi doi falintuafiel ti amuldungun cüdau. Fei hula amutulu Jesús huenu mu, tañi pu discipulo com nehuen mu amuldunguingün. Fente amuldunguingün, tañi pu caiñe feipingün taiñ peelchi texto fachantü. Hunen siglo mu, Jesús adcünui ñi amuldungungeal ta che, ca fentren che allcütuingün. Conlu ti Pentecostés 33 tripantu mu, 3.000 che ta fautizahuingün (Hech. 2:41). Ca rupalechi tripantu mu, doi alün-ngerpuingün (Hech. 6:7). ¿Famülque mu cai? Jesús feipicünui fentren che ñi cüme llohual Chau Dios ñi dungu (Juan 14:12; Hech. 1:8). w21.05 pag. 14 parr. 1, 2

¿Acordaimi tami quimfiel ti rüf dungu? Eimi raquiduamimi chi: “Tañi pu che allcütule tüfa, quelluaeyu ñi rüf ayüucüleal ca ñi nieal ta maneluhun” (Sal. 119:105). Eimi maneluucüleimi tami allcütuaeteu engün, feimu quimelelfimi ti rüf dungu. Huelu, ¿chumingün? Pilaingün tami allcütueteu, müna hueñancüpelaimi. Afmatulayaiñ taiñ allcütunoeteu pu che. ¿Chumngelu? Mülepalu mapu mu, Jesús fentren afmatufal dungu femi. ¡Quimfali Jehová ñi quellueteu! Tunte felefulu rume, fentren che allcütulaeyu. Raquiduamnge tüfachi dungu ñi femün Jesús: huiñomongeltufi ta Lázaro, fei ñi pu caiñe quimniefuingün ñi rüfngen Jesús tañi femün. Femlu rume, feyentulaingün Jesús tañi Mesíasngen. Cüpa langümfingün ta Jesús ca Lázaro (Juan 11:47, 48, 53; 12:9-11). w21.05 pag. 2 parr. 1, 2

Rumel trahuluucüleaiñ. Chem ñi ngüneduamngeel trahun mu rume quelluaiñmu. Ca femngechi doi quimürpuafuiñ taiñ pu peñi ca pu lamngen. Quintuafiyiñ cümeque hueni taiñ quimeltuaeteu falinque dungu. Huechengele, füchangele rume cam cangelu tuhunchengele rume, iñchiñ hueniyeafuiñ. Biblia quimeltuquei tati pu füchalelu doi nieingün quimün, feimu rume quelluafeiñmu (Job 12:12). Cafei pu füchalelu fentren falinque dungu quimürpuafui pu huechequeche mu. David doi huechelefui Jonatán mu, huelu fente cüme huenihuen-ngefuingu (1 Sam. 18:1). Fei engu hueluconque quelluniehuingu ñi poyenieafiel Jehová, rupan mu rume huesaque dungu mu engu (1 Sam. 23:16-18). Taiñ lamngen Irina, fei tati quiñen testigo tañi familia mu, feipi: “Taiñ pu lamngen trahunche mu, iñchiñ taiñ familia reque ngerpuafui iñchiñ mu. Feimu duamliyiñ quellu, fei engün Jehová adnieafeyu taiñ quelluaeteu” pi taiñ lamngen. Taiñ pu hueni ayülei taiñ quelluaeteu ca yafültucuaeteu. Huelu duamnieingün taiñ nütramcayafiel, fei ñi quimal engün chumngechi taiñ quelluaeteu. w21.06 pag. 10, 11 parr. 9-11

Jesús entui quiñe pengelün dungu nütramcalu quiñe rey ca quiñe esclavo mu. Ti esclavo fentren plata defeniefi tati rey, huelu turpu cullilayafui. Femfulu rume, ti rey rulpacünuleleyu ñi defen. Pichi rupalu, feiti esclavo pefi cangelu esclavo ñi defenieteu pichin plata müten. Huelu pilai ñi rulpacünulelafiel ti defen. Fei ti rey nütramelngei ñi femün feitachi huesa esclavo, fei carceltucufi. Ñi femün mu tüfachi huesa esclavo, quisu huesalcahui ca huesalcafi ta caquelu che. Feiti huesa esclavo, cuñill-lafi tañi chaf esclavo. Fei mandafi ñi carceltucungeal, fei ñi cullingeal com tañi defenieteu. ¿Ca chem rupai? Jesús feipi: ‘Tüfachi dungu meu rume cutrantupiuquei tati caquelu pu esclavo’ (Mat. 18:30, 31). Fei, ¿iñchiñ cai? Huesa femngeliyiñ ca perdonanofiliyiñ taiñ huesa femeteu, ¿chem dungu rupayafui? Perdonanofiliyiñ, huesa duamelafuiñ taiñ huesa femeteu, chalihuelayafuiñ ca lelihulhuelayafuiñ rume. Cafei inaduamle ta caquelu peñi, lamngen taiñ cüme yeucülenon feichi che iñchiñ, huesa duamafuingün. w21.06 pag. 22 parr. 11, 12

Iñchiñ taiñ chengen deumangeiñ taiñ inayentuafiel Chau Dios, huelu Huecüfü ayüniei taiñ femal podngechi dungu. Jehová pefilu ñi huesalcamequen tati pu che Noé ñi antü mu, “rume huesa duami tañi deumafiel meu ta huentru. Rume cutrantupiuquetui” (Gén. 6:5, 6, 11). Famülque doi huesalcalerpui ti dungu. Pu huentru cudumuuquei, pu domo cudumuuquei ca tati pu cureyeunolu cudumuuquei (Efes. 4:18, 19). Fei Huecüfü rume ayüuquei ñi pefiel tüfa. Doyelchi mai, rume ayühuai femngechi dungu mu culpale quiñe Jehová tañi pu che. Famülque mu, pu huentru ngüneniefilu ti Mapu huesalcaquefi tati pu che. Huelu fei ca müten no. Jehová ca elufi pu che tañi cuidayafiel tati pu culliñ ca com tati mülelu Mapu mu, huelu femlaingün llemai (Ecl. 8:9; Gén. 1:28). Tati pu cientifico feipiquei fente ñi huesalcalerpun ti Mapu, cüpalechi antü mu doi fentren culliñ ca anümca ta ngehuelayai. w21.07 pag. 12 parr. 13, 14

Quiñeque che, petu culpalelu troquiuqueingün. “Müna huesa femün. ¿Perdonapeafeneu Jehová?” piqueingün. Femngechi troquiulimi, acordanienge Chau Jehová eluucülei tami perdonayaeteu, quisu rüf piuqueyeimu. Culpanchengeliyiñ rume, poyenieafuiñ ta Jehová cüme raquiduam mu. ¿Chumngelu? ‘Jesucristo, Ngünechen ñi Fotüm, tañi mollfüñ liftutueiñmeu com culpan meu’ (1 Juan 1:7). Huesa duamcülelmi quiñe huesa dungu tami femün meu, acordanienge Chau Jehová eluucüleai tami perdonayaeteu. Ti rey David feipi: ‘Tati huenu doi alüpüralelu am ti nag Mapu mu, ca femngechi doicülei Chau Dios ñi nor piuqueyefiel tañi pu yamnieteu. Tunte alü camapulelu ti tripahue antü ca ti conhue antü mu, ca femngechi Chau Dios alü camapucünui taiñ culpan’ (Sal. 103:11, 12). w21.11 pag. 5 parr. 12, 13

Ti füta cristianongelu, falintuquefi tañi domo (1 Ped. 3:7). ¿Chumngechi pengelelfi tañi falintuquefiel? Itrocom dungu mu respetaquefi. Feipiquelafi ñi femal chem tañi pepilnoel ca trürümquelafi caquelu domo mu. Femngechi femfule ti füta, huesa duamelafui tañi domo. Peaiñ ñi rupan quiñe lamngen Rosa pingelu. Tañi füta testigongenolu trürümqueyu caquelu domo mu. Ñi femün mu tañi füta, Rosa huesa duamquei ca rumel raquiduamquei ñi piuqueyengequenon. Quisu feipi: “Duamnien fill antü tañi feipingeal tañi piuqueyeteu ta Jehová” pi taiñ lamngen. Huelu, tati pu füta poyequefilu Jehová, ¿femngechi femquepei mai? Femlai. Yamquefi tañi domo. Ti füta quimniei respetanofile tañi domo, cüme amulelayai tañi curehuen-ngen, fei hueniyehuelayafui ta Jehová. Ti füta falintuquefilu tañi domo, cüme nütramcaquei quisu meu. Ca feipiquefi tañi piuqueyeniefiel ca falintuquefiel. w21.07 pag. 22 parr. 7, 8

Ngillalmi quiñe chemcün fei pürüm elungenolmi, ¿huesa duamnagafuimi? Huelu, mülepelafui ta dungu feimu pürüm elungelaimi. Quimfiel mu tüfa, doi eluucüleafuimi tami esperayal. Ñi feipin Proverbios 13:11 quimeltueiñmu chumngelu duamnieafuiñ taiñ nieal paciencia. Feipi: “Tati falinque chemcün pürüm hueuquelu ta che, afcülerpuai. Huelu feiti falinque chemcün ñochiquechi trapümquelu quiñe che, doicülerpuai”. ¿Chem quimeltueiñmu tüfachi texto? Tati quimchengelu chem dungu rume femle, ñochi duam mu ta femai feimu cüme tripayai. Proverbios 4:18 feipi: “Pu nor che ñi rüpü fei tati pelon reque felei huilüfcülelu pulihuen mu, tüfa ta doi huilüfcülerpuquei cüme hunle chi antü hula”. ¿Chem quimeltueiñmu tüfa? Jehová ñochiquechi quelluqueiñmu taiñ doi cüme adümal ñi quimeltun. ¿Ca chem quimeltueiñmu tüfachi texto? Iñchiñ duamnieiñ tiempo taiñ cüme elcünutual taiñ mongen ca taiñ doi fülconal Jehová mu. w21.08 pag. 8 parr. 1, 3, 4

Fülcülepai ta antü ñi apümcangeal com huesaque dungu, feimu doi cüdau nieiñ (Mat. 24:14; Luc. 10:2; 1 Ped. 5:2). Com iñchiñ ayüniefuiñ taiñ cüdahuelafiel Jehová com taiñ piuque mu. Quiñeque taiñ pu peñi ca pu lamngen ayüqueingün ñi hunelerpual amuldungun mu cam ayüqueingün ñi cüdahual Betel mu. Caquelu ayüquei ñi quelluntucual ñi deumangeal Trahunhue Ruca. Ca quiñeque taiñ pu peñi cüdauqueingün ñi siervo ministerialngerpual cam ñi loncolerpual trahunche mu (1 Tim. 3:1, 8). Jehová rume ayüucülepelai tañi cüdahueleteu tañi pu che (Sal. 110:3). Huelu eimi feipicünufilmi ta Jehová tami femal quiñe falin cüdau, huelu pepi femnofulmi, huesa duamafuimi. Femngechi dungu mu rupalmi, ¿chumafuimi? Llellipuafimi ta Jehová ca feipiafimi tami chum duamcülen (Sal. 37:5-7). Ca feipiafuimi quiñeque peñi ca lamngen cüme hueniyefilu ta Jehová tami quelluaeteu, fei inayafimi tami ngülamtuaeteu. Femülmi tüfa, huechunenturpuafuimi feitachi falin cüdau tami feipicünuel. w21.08 pag. 20 parr. 1; pag. 21 parr. 4

Ti profetisa Ana rumel amuquefui tati templo meu, fei Jehová cümelcaeyu. 84 tripantu nielu, Chau Dios elueyu ñi quimafiel ta Jesús pichicalu (Luc. 2:36-38). Famülque mu, pu füchaqueche tañi cüme femquen mu inayentuafeyu pu huechequeche. Ramtucafiliyiñ ñi rupan engün ca cüme allcütufiliyiñ, müna quelluafeiñmu. Taiñ pu peñi ca pu lamngen füchalelu rume falin-ngeingün Jehová ñi troquiñche mu. Quisu engün peingün chumngechi ñi quellueteu ta Jehová ca chumngechi ñi quellufiel tañi troquiñche. Tañi huelulcahun mu quimingün tañi femhuenoal engün, fei doi quimchengerpuingün. Eluhuaiñ taiñ nütramcayafiel engün femngechi taiñ llohual quimün (Prov. 18:4). Eluuliyiñ taiñ cüme quimafiel, doi maneluhuaiñ ta Chau Jehová mu. w21.09 pag. 3 parr. 4; pag. 4 parr. 7, 8; pag. 5 parr. 11, 13

Femtripamequei ñi feipin Isaías ñi pütocoñmangeal “huall mapu mülechi pu che ñi lichi” (Is. 60:5, 16). Jehová ñi pu che ñi adümuhun mu ca quelluntucun mu, amuldungungequei doi 240 troquiñ mapu mu, ca deumangequei publicaciones doi mil quehun dungu mu. Ñi nengümcangen mu reque tati pu che, mülei ñi dullial ñi quelluntucual pu che tañi gobierno cam Chau Dios tañi Gobierno. Jehová tañi pu che inaniequei ñi feipin tati ley, huelu coneltuquelai politica dungu meu (Rom. 13:1-7). Jehová ñi pu che quimniei Jehová tañi Gobierno müten com cüme elcünutuai ti huesaque dungu. Tüfachi Gobierno coneltuquelai tüfachi Mapu mu müleyechi dungu (Juan 18:36, 37). w21.09 pag. 17 parr. 13, 14

Quiñe tami piuqueyenieelchi che püntütripale Jehová mu, fei chumaimi rume tami doi cüme hueniyeafiel Jehová. Ca quelluafimi tami pu che ñi ca femngechi femal. ¿Chumngechi femafuimi? Papeltuafimi ta Biblia ca raquiduamaimi tami papeltuel mu, ca femngechi faltalayaimi ta trahun mu. Peaiñ ñi rupan ta Joanna. Tañi chau ca tañi lamngen poyehuelafingu Jehová. Fei feipi: “Iñche ngüneduamquen ñi rupan Abigaíl, Ester, Job, José ca Jesús. Tüfa tüngduameleneu. Tañi rupan engün nehuentucuqueneu ca quelluqueneu ñi cüme raquiduamal”. Huesa rupamequelmi, ngillatunieafimi ta Jehová. Pediafimi Jehová tami quelluaeteu tami cüme raquiduamal quisu reque, tami quim ngüneduamal ca tami quelluaeteu quimal chem tami femal (Sal. 32:6-8). Cüdautuafuimi chi tami feipiafiel ta Jehová tami huesa duamcülen, huelu Jehová quimniei tami huesa rupamequen. Quisu feipieimu tami nütramcayafiel müten (Éx. 34:6; Sal. 62:7). w21.09 pag. 28 parr. 9, 10

Deu rupalu ti Pascua 32 tripantu meu, Pedro, Santiago ca Juan perumefingün quiñe afmatun dungu. Quiñe fütra huincul mu, fei engün pefingün ñi calerumetun tañi ad ta Jesús. Biblia feipi Jesús tañi “ange alofi antü reque, ca tañi tacuhun rume lingari pire reque” (Mat. 17:1-4). Fei allcürumeingün quiñe dungun cüpalu huenu mu, Chau Dios llemai. Feipi: “Fei tüfa iñche tañi saquin Fotüm, iñche tañi dulliel. Allcütuñmafimün ñi dungu”. Feitachi cüla apostol inaquefingün Jesús tañi feipin. Iñchiñ ca femngechi femaiñ. Jehová, piuqueyen mu, adnieiñmeu Jesús ñi lonconiefiel ti trahunche. ¡Müna mañumniefiyiñ! (Efes. 5:23). Pedro, Santiago ca Juan fei engün reque eluucüleaiñ ñi allcütuafiel Jesús. Femliyiñ feula nieaiñ fentren cümelcan, ca cüpalechi antü rumel nieaiñ ayühun. w21.12 pag. 22 parr. 1; pag. 27 parr. 19

Quiñe huentru Corinto trahunche mu üñamyauquefui tañi ñeñe engu. Ti apostol Pablo feipi ti huentru ñi huemünentungeal ti trahunche mu. Tañi femmequen mu tüfachi huentru, raquiduamelfi tati trahunche ñi huesalcameqeuenon (1 Cor. 5:1, 2, 12). Rupayechi antü mu Pablo ngüneduami feitachi huentru rüf repentiuhui. Pablo feipifi tati loncolelu: “Felei tamün huiñoduamatuafiel ca tamün yafültucuafiel”. ¿Chumngelu feipi Pablo? Femngechi ti huentru fentecünulayai tañi poyeafiel Jehová fente tañi hueñancülen. Pablo cutranduamyefi feitachi huentru repentiulu. Pablo ayülafui feitachi huentru fente ñi hueñancülen ñi feipihuenoafiel ta Jehová ñi perdonayaeteu (2 Cor. 2:5-8, 11). Jehová reque, tati pu loncolelu eluucülequeingün tañi cutranpiuqueyeafiel tati trahunche. Duamfalngele ñi nehuentu norümtungeal quiñe che, pu loncolelu femaingün. Huelu ca piuqueyenquechi norümtuafingün. Huelu loncontucuaiñ: pu loncolelu norümtunofile tati che huesa culpalu, rüf cutranpiuqueyelayafi, doi mai raquiduamelafi tañi huesa femnon. w21.10 pag. 11, 12 parr. 12-15

Raquiduamnge catrücamequefilmi ilo quiñe cuchillo mu. Petu catrücamequefilmi eimi, pichi allfüleimi tami changüll cuhu. Allfülen mu, cutrantuafuimi. Huelu rupalechi antü niehuetulayaimi tami allfen, fei acordahuelayafimi rume. Ca femngechi, quiñe hueni huesa piafeiñmu fei allfülafeiñmu reque. Huelu müte cüdautulayafuiñ taiñ perdonayafiel. Fei hula, raquiduamaimi tami fütra allfüel. Fütra allfülmi, duamfalngeafui tami amual doctor mu tami tuculelngeal punto cam tami traricünungeal tami allfen. Huelu tocatocayefilmi tami allfen, doyelcülerpuai. Ca femngechi dungu rupayafui quiñe che ñi huesa pingeel. Fill antü raquiduamcülele fente ñi huesa duameleteu quiñe che, illcutunieafi fei quisutu huesalcahuai. Tüfa cüme dungunofel. Felei llemai, doi cümeai inafiliyiñ ti ngülam mülelu taiñ peelchi texto fachantü. w21.12 pag. 12 parr. 15

Raquiduamnge quiñe loncolelu inaduamfile chumngechi ñi yeniequen tañi tacun quiñe peñi cam chumngechi ñi cupiluuquen, fei raquiduamafui: “Duamfalngei tañi ngülamafiel feitachi peñi” piafui. Petu tañi ngülamtunon ti loncolelu, ramtuhuafui: “Ñi feipin ta Biblia, ¿rüf huesalcamequepei mai ti peñi?”. Ti loncolelu ngülamtulayafi quisu tañi raquiduamqueel. Feimu ramtuafi cangelu loncolelu cam ramtuafi cangelu peñi cam lamngen quim chengelu chem raquiduamquei feitachi dungu mu. Fei trür inaduamafuingu chem pin ta Pablo (1 Tim. 2:9, 10). Pablo feipi quiñe cristiano mülei ñi cüme inaduamuhual chem tacun tañi yeniequen, femngechi quimfalcünuai ñi poyequefiel ta Jehová. Pablo feipilai: “Famngechi tucutuhuaimi, famngechi tucutuulayaimi” pilai. Pablo quimniefui pu cristiano quisu dulliafuingün chem tacun tañi yenieal, chaftunofile Biblia ñi ngülam. Feimu quiñe loncolelu petu tañi ngülamtunofiel quiñe peñi cam quiñe lamngen chumngechi tañi tucutuucülen engün, hunelu mu ¿chem mülefui ñi femal? Cüme inaduamafi ti peñi cam ti lamngen chumngechi ñi yeniequen tañi tacun, fei ñi pengelquepen mai tañi poyequefiel ta Jehová. Loncontucuaiñ: iñchiñ trürlaiñ taiñ pu peñi cam pu lamngen mu, feimu caque raquiduam nieiñ. Trürnolu am taiñ raquiduam, ¿huesalcamequei piafuiñ? Femlai llemai. Obligalayafiyiñ taiñ pu peñi ca pu lamngen ñi raquiduamal engün iñchiñ reque. w22.02 pag. 16 parr. 9, 10

¿Chemu nor piuqueyequefiyiñ taiñ pu peñi ca taiñ pu lamngen? Peafiyiñ chem pin ta Biblia. “Tami nor piuqueyen ca tami manelfalngen famtripaquilpe eimi mu [...]. Femngechi tuteafimi ta Chau Dios ca tati pu huentru”. Ca feipi: “Quiñe cüme huentru quisutu cümelcauquei”. Ca: “Tati nehuentu quintuquelu nor dungu ca ti nor piuqueyen, rumel mongeleai” (Prov. 3:3, 4; 11:17; 21:21). Taiñ pefiel, feimu ¿chemu Biblia feipi taiñ rüf piuqueyecheal? Quiñe, rüf piuqueyefiliyiñ taiñ pu peñi ca taiñ pu lamngen, Jehová rume falintuaiñmu. Epu, rüf piuqueyechen mu iñchiñ, cümeque dungu llouqueiñ. Quiñe tüfa fei ta rumel nierpuafuiñ cümeque hueni. Ca cüla, nor piuqueyecheliyiñ, cümeque dungu llohuafuiñ cüpalechi antü meu. Quiñe tüfa ta rumel mongen nierpuafuiñ. Huelu feitachi dungu mu müten femquelaiñ. Huelu mai, inaquefiyiñ Chau Jehová ñi ngülam. Quisu llemai feipieiñmu taiñ hueluconque rüf piuqueyehual ca cutranpiuqueyehual. w21.11 pag. 8 parr. 1, 2

Rupan mu huesaque dungu mu, inaduamuufuimi chi tami nehue maneluunon Jehová mu. Femngechi dungu mu rupalmi, huesa duamquilnge, doi mai eluunge tami doi maneluhual Jehová mu. Com piuque mu llellipuafimi Jehová. Eluhuaimi tami quelluaeteu tami pu familia ca ti trahunche. Eluhulmi tami quelluaeteu Jehová famülque mu, doi maneluhuaimi tami quelluaeteu cüpalechi antü meu. Jesús feipifi tañi pu discipulo duamniefuingün ñi doi maneluhual Jehová mu. Huelu Jesús cüme quimniefui Jehová ñi duam mu, tañi pu discipulo cüme chaftuafui chem huesa dungu rume rupafule (Juan 14:1; 16:33). Jesús ca quimniefui quiñe fütra troquiñche fente ñi maneluucülen Jehová mu, mongetripayai ti fütra cutrancahun mu (Apoc. 7:9, 14). Eluhulmi tami doi maneluhual Jehová mu fachantü, mongetripayaimi llemai (Heb. 10:39). w21.11 pag. 25 parr. 18, 19

Fachantü, iñchiñ esperaquelaiñ Jehová ñi femal quiñe afmatun dungu taiñ incañpeaeteu. Huelu iñchiñ maneluucüleiñ Jehová mu, langümngefuliyiñ rume quisu huiñomongeltuaiñmu ca eluaiñmu rumel mongen. Cüpalechi antü mu fillque gobierno quiñeucülelu, Gog tuulu Magog pingelu, caiñetuaiñmu. ¿Rüf maneluupeaiñ Jehová taiñ incañpeaeteu? Cam, ¿raquiduamafuiñ chi taiñ langümngeal? Duamnieaiñ maneluhual Jehová mu taiñ montulaeteu. Ufisa reque nienolu inei ñi cuñiutucuaeteu troquiaiñmu tüfachi gobierno (Ezeq. 38:10-12). Nielayaiñ chumngechi taiñ hueichayafiel, feimu “cüdaungelai ñi hueungeal” piaiñmu pu gobierno. Huelu iñchiñ maneluucüleiñ Jehová mu, feimu quimnieiñ pu cümeque püllü taiñ incañpeaeteu. Pu gobierno quimlaingün tüfa. Fei pu gobierno ngüneduamle engün chumngechi taiñ incañpeaeteu pu cümeque püllü, afmatulehueaingün (Apoc. 19:11, 14, 15). w22.01 pag. 6 parr. 12, 13

Jehová piuqueyeniefi com tañi pu che, chumten tripantu yeniefule rume tañi serfieteu engün. Jehová mu itrocom taiñ pu peñi, pu lamngen falin-ngei. Fei iñchiñ ca femngechi falintuafiyiñ engün. Chem meu no rume huesa duamel-layafiyiñ engün. Doi mai, cüme troquiafiyiñ engün, femngechi piuqueyeniengelu troquihuaingün. Huesa duamelfiliyiñ quiñe taiñ pu peñi, pu lamngen, chem dungu no rume rupanolu troquiulayaiñ. Ca femngechi “fei ta chem pifal-lai rume” pilayaiñ. ¿Chemu huesa duamafui quiñe taiñ peñi cam lamngen? Pichilu engün, müte falintungequelafui chi. Feimu tremlu engün falintuuquelai. Caquelu hue coni Jehová ñi troquiñche mu, feimu müte quimtucuquelai caquelu peñi, lamngen ñi ca huelulcauquen. Feimu cüdautuquei ñi perdonayafiel engün. Feimu, quiñeque mu huesa duamelafuiñ chi taiñ pu peñi, pu lamngen. Cam iñchiñ ta huesa duamelafeiñmu. Femfule rume, mülei taiñ cümelcautual. Huelu, ¿pichi piuquengeliyiñ cai? ¿Chem mülei taiñ femal? Quimtucuaiñ, cümelai taiñ pürüm illcufemal. Eluuliyiñ taiñ pürüm illcufemnoal, doi ayüucüleaiñ ca cüme yeucüleaiñ taiñ pu peñi, pu lamngen iñchiñ. w21.06 pag. 21 parr. 7

Jesús quimniei tami chum duamcülen. Fill raquiduamcülen mu, quiñe cüme hueni allcütuñmaeliyiñmu taiñ chum duamcülen ca entendeeliyiñmu, rume ayühuafuiñ. Jesús fei ta cüme hueni. Fei quiñeque mu nehuen-ngehuequelafui ca duamniefui tañi quellungeal, feimu cüme quimniei taiñ chum duamcülen ca quimniei chumül ca chumngechi taiñ quelluaeteu (Heb. 4:15, 16). Petu llellipulu Jesús Getsemaní pingechi jardin mu, quiñe cüme püllü quellupaeyu. Fei Jesús eluhui tañi quellungeal. Iñchiñ ca femngechi eluhuaiñ taiñ quelluaeteu ta Jehová. ¿Chumngechi quelluqueiñmu Jehová? Quiñe publicacion mu cam quiñe video, quiñe hueupin, quiñe loncolelu ñi feipin mu cam quiñe cüme hueni (Luc. 22:39-44). Jehová eluaiñmu ñi cüme tüngün ca nehuen. Llellipufiliyiñ Jehová, fei llohuaiñ quisu tañi cüme tüngün, pu che pepi adümquelafi tüfachi cüme tüngün (Filip. 4:6, 7). w22.01 pag. 18, 19 parr. 17-19

Maneluuqueiñ Jehová tañi cüme femquen mu, huelu quiñeque mu cüdautuafuiñ maneluhual ñi femün pu loncolelu. Quiñeque mu ramtuhuafuiñ: “Ñi dulliel pu loncolelu, ¿inapefingün mai Jehová ñi raquiduam cam quisu engün tañi raquiduam müten?”. Jehová dulliquefi quiñeque huentru ñi loncoleal trahunche mu, fei manelniefi. Iñchiñ ca mülefui taiñ maneluhual fei engün mu. Femnoliyiñ, ca maneluulayafuiñ Jehová mu. Jehová elfalcünufi tati quim manelfal cona cam esclavo fiel y prudente ñi adnieafiel tañi troquiñche Mapu mu (Mat. 24:45). Hunen siglo mu, ti cuerpo gobernante adniequefi Jehová tañi pu che. Famülque mu, ca femngechi femmequei. Adniefi Jehová tañi pu che ca feipiquefi pu loncolelu tañi chumal engün. Fei trahunche mu, pu loncolelu cüme inaquefi tañi feipieteu ti Cuerpo Gobernante. Feimu inafiliyiñ taiñ feipieteu ti Cuerpo Gobernante ca pu loncolelu, pengelaiñ taiñ maneluucülen Jehová mu. w22.02 pag. 4 parr. 7, 8

Iñchiñ rume ayüucülequeiñ taiñ coneltulen Jehová ñi troquiñche mu. Ayüuqueiñ taiñ quelluafiel pu ñom piuquengelu ñi fautizahurpual (Hech. 13:48). Iñchiñ rume ayüuqueiñ ñi cüme tripan taiñ amuldungun. Jesús ca femngechi rume ayühui ñi cüme tripan tañi amuldungun tañi pu discipulo (Luc. 10:1, 17, 21). Ti apostol Pablo feipifi ta Timoteo ñi ngüneduamuhual chumngechi ñi yeniequen tañi mongen ca chumngechi tañi amuldunguchequen. Femngechi quisutu montuluhuai ca montulafi ta caquelu (1 Tim. 4:16). Taiñ amuldungun montulchequei llemai. Poyequefilu am iñchiñ ta Jehová, ngüneduamuuqueiñ chumngechi taiñ yeniequen taiñ mongen. ¿Chumngelu? Com taiñ femün meu, ayüqueiñ taiñ püramyeafiel ta Jehová. Cafei ayüqueiñ taiñ pengelcünual taiñ inaniequefiel taiñ amuldunguqueel (Filip. 1:27). Ca femngechi ngüneduamuuqueiñ chumngechi taiñ amuldunguchequen, ¿chumngechi am? Petu taiñ amuldungunon, cüme pepicauqueiñ ca ngillatuquefiyiñ ta Jehová taiñ quelluaeteu. w21.10 pag. 24 parr. 1, 2

Tati che nietulu tati hue mongen inayentuquefi chumngechi ñi raquiduamquen ca ñi femquen ta Jehová. Femngechi che eluuquei ñi ngünenieaeteu reque Jehová ñi nehuen, femngechi cümeque raquiduam nierpui ca cümeque dungu ta femürpui. ¿Chumquei feitachi che? Piuqueyequefi ta Jehová ca piuqueyequefi tati pu peñi ca pu lamngen (Mat. 22:36-39). Huesaque dungu mu rupalu rume ayüucülequei (Sant. 1:2-4). Eluuquei ñi cüme yeucüleal caquelu che engün (Mat. 5:9). Illcutuchequelai ca fürenechequei (Col. 3:13). Inaquefi cümeque dungu tañi mongen mu (Luc. 6:35). Tañi femquen mu pengeli tañi maneluucülen Jehová mu (Sant. 2:18). Illcutueteu mu pu che, huesa piquelafi. Cafei ngüchaltucungelu ñi femal huesaque dungu, ngüneuquei (1 Cor. 9:25, 27; Tito 3:2). Mülei taiñ inayal ti cümeque dungu ñi feipin Gálatas 5:22, 23 ca caquelu troquiñ Biblia mu, femngechi taiñ inayentuafiel ta Jehová. w22.03 pag. 8, 9 parr. 3, 4

Pu loncolelu inayentuafingün tati apostol Pablo, fei chem antü mu rume ca cheu rume amuldungucheaingün (Efes. 6:14, 15). Pablo reque, petu amuldungule engün, tati pu loncolelu pepicayafui caquelu peñi ca pu siervo ministerial (1 Ped. 5:1, 2). Huelu pu loncolelu ngelai tañi rumel cüdauconcüleal ti trahunche mu, ca mülei ñi elcünual tiempo tañi femal ti doi falin-ngechi dungu. Tüfa chillcatuafiel Biblia tañi pu che engün, amuldungual ca pepicayafiel tañi pu yall ñi cüme amuldungual (Mat. 28:19, 20). Doi elungele cüdau, pu loncolelu hunelu mu mülei tañi cüme raquiduamal ca ngillatuafiel Jehová tañi famentunoafiel tati doi falin-ngechi dungu. Tañi cüme huechunentuafiel com ti cüdau ñi nieel engün, quiñeque mu mülei ñi famentuafiel doi cüdau trahunche mu. Jehová quimniei pu loncolelu ayüi ñi huechunentuafiel com ti cüdau ñi nieel engün. w22.03 pag. 27 parr. 4, 7; pag. 28 parr. 8

Hue papeltulu iñchiñ, llicalefuiñ chi taiñ testigongeal. Turpu amuldungunoalu troquihuafuiñ. Llicalequefuiñ chi taiñ pu familia ca taiñ pu hueni taiñ caiñetuaeteu. Cuifi mu femngechi dungu rupaliyiñ, entendeafuiñ taiñ pu estudiante. Jesús feipicünui quiñeque che ñi llicaleal engün, huelu llicalefule engün rume ngelai tañi elcünual tañi serfiafiel ta Jehová (Mat. 10:16, 17, 27). Quelluafiyiñ taiñ estudiante tañi nütramcacheal tañi quimürpuel. Jesús tañi pu discipulo llicalepelafui tañi amuldungual engün. ¿Chumngechi quellueyu Jesús? Jesús feipieyu inei tañi amuldungulelafiel ca chem tañi nütramcayal engün (Mat. 10:5-7). ¿Chumngechi inayentuafuiñ ta Jesús? Raquiduamelafuiñ pu estudiante inei ñi amuldungulelafiel. Ramtuafuiñ: “Eimi tami quimürpuel, ¿ca chem che quelluafuimi?”. Quelluafiyiñ tañi chem pial, femngechi quimfalcünuai chem pin ta Biblia. w21.06 pag. 6 parr. 15, 16

“Nepal mapu mu 2015 tripantu mu, ruparumei quiñe fütra nüyün. Tati pu che mülelu fei mu, feipi: “Pichiñma mu müten, tati tienda ca tati edificio huecharcahui”. “Com tati pu che mülelu fei mu, müna llicalefuingün”. “Fentren che epu minuto durai ti fütra nüyün pi. Huelu iñche rupanoalu troquifiñ”. Ca femngechi dungu rupamequei fachantü. Quiñe fütra nüyün no tati, huelu mai Chau Jehová nengümnengümyefi reque com ti Mapu. Ti profeta Ageo feipicünui: “Tüfa ñi feipin ta Jehová, tati ñidolcülelu pu hueichafe mu: ‘Pichiñma mu, ca quiñe rupa nengümcayafiñ tati huenu ca tati Mapu’” (Ageo 2:6). Rupan mu nüyün com huecharcaquefi. Huelu femngechi femquelai ñi feipicünuel ta Ageo, doi mai cümeque dungu rupaquei. Jehová feipicünui: “Nengümnengümtuafiñ fillque troquiñche com mapu mülelu, fei tati doi falilu ñi nieel engün conpayai tüfachi ruca meu, fei iñche ñi duam mu tüfachi ruca püramyengeai”. w21.09 pag. 14 parr. 1-3

Taiñ hueniyeafiel quiñe che, mülei taiñ rüf nütramcanieafiel. Ca femngechi taiñ hueniyeafiel ta Chau Jehová, mülei taiñ nütramcayafiel chem ñi mülen taiñ piuque mu ca chem taiñ raquiduamelnieteu. Femliyiñ, feipiafiyiñ reque ta Jehová: “Quimnien tami piuqueyeniefiel, maneluucülen eimi mu” (Sal. 94:17-19; 1 Juan 5:14, 15). Hueniyehuaiñ pu peñi, pu lamngen iñchiñ. Fei engün quiñe regalo reque felei Jehová mu cüpalu (Sant. 1:17). Taiñ pu peñi, pu lamngen taiñ familia reque feleingün, rume piuqueyenieiñmu (Prov. 17:17). Chau Jehová elcünui ñi müleal peñihuen ca lamngenhuen trahunche mu, femngechi pengeli taiñ duamnieteu. Apostol Pablo feipi ñi rume quellueteu quiñeque cristiano, ‘fei engün ta fütra yafültucueneu’ pi (Col. 4:10, 11). Jesús cütu culpanchengelafui rume, duamniefui ñi quelluaeteu ca yafültucuaeteu tañi pu hueni ca tati pu cümeque püllü (Luc. 22: 43). “Quelluen” pifilmi quiñe tami hueni, huesa dungu no tati. Tami hueni püllelele Jehová mu, rume quelluafeimu. w21.04 pag. 24, 25 parr. 14-16

Quiñe peñi cam quiñe lamngen ñi feipin cam femün mu huesa duameleliyiñmu, ¿chumafuiñ? Llellipun mu feipiafiyiñ ta Jehová chem mülen taiñ piuque mu. Pediafiyiñ Jehová taiñ quelluaeteu, femngechi taiñ peal ñi cüme piuquengen taiñ huesa duameleteu. Ca feipiafiyiñ Jehová ñi quelluafiel (Luc. 6:28). Huelu upenofiliyiñ ñi femün cam ñi feipin feiti peñi cam ti lamngen, ¿chumafuiñ? Quintuaiñ chumngechi taiñ nütramcayafiel. Cümeafui taiñ famngechi raquiduamal: “Feiti che ayülafui tañi huesa duamelaeteu” piaiñ (Mat. 5:23, 24). Fei nütramcayafiyiñ ti che. Huelu pinole ñi allcütual, mülei taiñ poyenieafiel müten. Mülei taiñ nieal ta paciencia, ca femngechi maneluucüleaiñ ñi cümelcautual (Efes. 4:32). Ngelai taiñ illcutunieafiel. Femliyiñ, Jehová hueniyehuelayafeiñmu. Eluulayaiñ chem no rume taiñ huelulcayaeteu, femngechi pengelcünuaiñ taiñ doi piuqueyeniefiel Jehová (Sal. 119:165). w21.06 pag. 23 parr. 15