Ваиз
3 Һәр шејин өз вахты вар,
Сәма алтында һәр ишин өз вахты вар:
2 Доғулмағын өз вахты, өлмәјин өз вахты;
Әкмәјин өз вахты, әкиләни чыхартмағын өз вахты;
3 Өлдүрмәјин өз вахты, шәфа вермәјин өз вахты;
Сөкмәјин өз вахты, тикмәјин өз вахты;
4 Ағламағын өз вахты, ҝүлмәјин өз вахты;
Фәған етмәјин өз вахты, рәгс етмәјин өз вахты;
5 Даш атмағын өз вахты, дашы бир јерә јығмағын өз вахты;
Гуҹагламағын өз вахты, гуҹагламамағын өз вахты;
6 Ахтармағын өз вахты, итки илә барышмағын өз вахты;
Сахламағын өз вахты, атмағын өз вахты;
7 Ҹырмағын өз вахты,+ тикмәјин өз вахты;
Сусмағын өз вахты,+ данышмағын өз вахты;+
8 Севмәјин өз вахты, нифрәт етмәјин өз вахты;+
Мүһарибәнин өз вахты, сүлһүн өз вахты вар.
9 Чәкдији зәһмәтдән инсана нә фајда?+ 10 Аллаһын бәшәр өвладларына вердији мәшғулијјәти ҝөрдүм. 11 О, һәр шеји вахтында вә ҝөзәл етди.+ Инсанларын үрәјинә әбәдијјәт гојду. Һәрчәнд онлар һеч вахт Аллаһын ишини әввәлдән ахыра кими дәрк етмәјәҹәкләр.
12 Баша дүшдүм ки, онлар үчүн ән јахшы шеј өмүр боју севинмәк вә јахшы иш ҝөрмәкдир;+ 13 һәм дә һәр кәс јејиб-ичмәли вә зәһмәтиндән һәзз алмалыдыр. Бу, Аллаһын бәхшишидир.+
14 Ҝөрдүм ки, Аллаһын етдији һәр шеј әбәдиликдир. Она нә бир шеј артырмаг олар, нә дә әскилтмәк. Аллаһ Өзү буну белә едиб ки, инсанлар Ондан горхсун.+
15 Инди нә олурса, артыг олуб, нә олаҹагса, индијәдәк олуб.+ Амма Аллаһ ахтарыланы ахтарыр*.
16 Ҝүнәш алтында буну да ҝөрдүм: әдаләтин јериндә шәр, салеһлијин јериндә пислик дурур.+ 17 Она ҝөрә үрәјимдә дедим: «Аллаһ салеһләри дә, писләри дә мүһакимә едәҹәк,+ чүнки һәр иш вә һәр һәрәкәт үчүн бир вахт вар».
18 Мән һәм дә үрәјимдә дедим ки, Аллаһ бәшәр өвладларыны сынајаҹаг вә онлара ҝөстәрәҹәк ки, һејвандан фәргли дејилләр. 19 Чүнки инсанын да ахыры вар, һејванын да. Һәр икисинин сону ејнидир.+ Неҹә ки бу өлүр, елә дә о бири өлүр. Икиси дә ејни руһа маликдир.+ Беләликлә, инсан һејвандан әсла үстүн дејил! Чүнки һәр шеј пучдур. 20 Һамы бир јерә ҝедир.+ Һамысы торпагдан јараныб,+ торпаға да гајыдыр.+ 21 Инсанын руһу јухарымы галхыр, һејванын руһу ашағымы, јерәми енир?+ Буну ким дејә биләр? 22 Ҝөрдүм ки, инсан үчүн әмәјиндән зөвг алмагдан јахшы һеч нә јохдур,+ чүнки бу, онун мүкафатыдыр. Ахы ондан сонра нә олаҹағыны ким она ҝөстәрә биләр?+