“Аллаһ тәләб едир” брошүрасы васитәси илә өјрәнмәјә неҹә башламаг олар?
1 Бүтүн дүнјадан олан мә’луматлар ҝөстәрир ки, “Аллаһ биздән нә тәләб едир?” брошүрасы инсанлара һәгигәти өјрәтмәк үчүн ҝүҹлү аләтдир. Һәр һәфтә бу брошүра васитәси илә минләрлә Мүгәддәс Китаб өјрәнмәси башланылыр. Бәс сәнә “Аллаһ тәләб едир” брошүрасы васитәси илә Мүгәддәс Китаб өјрәнмәси башламаг вә кечирмәк мүвәффәг олурму?
2 Бир чохлары үчүн брошүраны пајламаг асан олдуғу һалда, бә’зиләри өјрәнмә башламаг үчүн нә дејәҹәкләрини билмирләр. “Аллаһ тәләб едир” брошүрасы васитәси илә мүвәффәгијјәтлә Мүгәддәс Китаб өјрәнмәси башлајан тәблиғчиләр һансы үсуллары тәтбиг етмишләр? Бир нечә фајдалы мәсләһәтләри нәзәрдән кечирәк.
3 Өјрәнмәнин неҹә кечирилдијини ҝөстәр. Биз илк дәфә, јахуд тәкрар баш чәкдијимиз заман ев саһибинә садәҹә олараг өјрәнмә тәклиф етмәк әвәзинә, Мүгәддәс Китабы өјрәнмәк курсунун неҹә кечирилдијини ҝөстәрә биләрик. Бу, “өјрәнмә” сөзүнү ешидән кими бир чох ев саһибләриндә јаранан анлашылмазлыг вә горху һиссләрини арадан галдырмаға көмәк едәҹәк. Өјрәнмәнин неҹә кечирилдијини ҝөстәрмәји мәнимсәдикдән сонра, биз Мүгәддәс Китаб өјрәнмәсини садә тәгдимәләрин көмәјилә башлаја биләҹәјик.
4 Һазырлыг — мүвәффәгијјәтин ачарыдыр. Бизим Мүгәддәс Китаб өјрәнмәси башламаға олан ҝүҹлү истәјимиз билаваситә нә дәрәҹәдә јахшы һазырлашмағымыздан асылыдыр. Әввәлҹәдән һазырлашмағымыз, Мүгәддәс Китаб өјрәнмәси тәклиф етмәк гәтијјәтсизлијимизи арадан галдырмагда бизә көмәк едәҹәкдир. Тәгдимәни бир нечә дәфә мәшг етдикдән сонра, биз ону данышыг үслубунда, јә’ни даһа тәбии вә өз сөзләримизлә дејә биләҹәјик. Бу, јалныз бизә дејил, һәм дә ев саһибинә өзүнү сәрбәст һисс етмәјә көмәк едәҹәкдир.
5 Тәгдимәни мәшг едәркән вахта диггәт јетир ки, Мүгәддәс Китаб өјрәнмәсинин неҹә кечирилдијини ҝөстәрмәјә нә гәдәр вахт ҝедәҹәјини ев саһибинә дејәсән. Бир гардаш өзүнү тәгдим етдикдән сонра дејир: “Ҝәлмишәм ки, сизә пулсуз Мүгәддәс Китаб өјрәнилмәсинин неҹә кечирилдијини ҝөстәрим. Бу, тәхминән беш дәгигә чәкәҹәк. Беш дәгигә вахтыныз олармы?” “Аллаһ тәләб едир” брошүрасындакы 1-ҹи дәрси тәхминән беш дәгигәјә кечмәк олар. Әлбәттә ки, бу вахт әрзиндә анҹаг сечилмиш ајәләри охумаг олар, лакин бир нечә дәгигә әрзиндә ев саһиби илә биринҹи дәрси өјрәндикдән сонра, онунла илк өјрәнмәни кечирмиш олурсан. Сонра де ки, 2-ҹи дәрси өјрәнмәјә ҝәлдикдә, бу, садәҹә 15 дәгигә вахт апараҹаг.
6 Нөвбәти тәгдимә јахшы нәтиҹәләр ҝәтирмишдир:
◼ “Мән сизи, “Аллаһ биздән нә тәләб едир?” брошүрасы васитәсилә Мүгәддәс Китабы олдугҹа асан вә тез бир сурәтдә өјрәнмәјә көмәк едән курс илә таныш етмәк истәјәрдим. Бир чох инсанлар, һәфтәдә 15 дәгигә мәшғул олмагла, 16 һәфтә әрзиндә бу кими ваҹиб суаллара ҹаваб тапмышлар. Гыса олараг брошүранын мүндәриҹаты илә таныш ет. Диггәти 1-ҹи дәрсә јөнәлдәрәк де: “Әҝәр сиз бизә беш дәгигә һәср едә билсәјдиниз, белә бир өјрәнмәнин неҹә кечирилдијини сизә ҝөстәрәрдик. 1-ҹи дәрс белә адланыр “Аллаһын нә тәләб етдијини неҹә өјрәнә биләрик?” Даһа сонра үч суалы оху вә мө’тәризәдәки рәгәмләрин нә демәк олдуғуну изаһ ет. Биринҹи абзасы оху вә ев саһибинә ҹавабы неҹә тапмағы ҝөстәр. Икинҹи абзасы охумағы, ев саһибиндән хаһиш етмәк олар. Сонра белә де: “Охудуғунузун әсасында сиз бу суала неҹә ҹаваб верәрдиниз? [Суалы јенидән оху вә ев саһибинин ҹаваб вермәсинә имкан вер.] Јәгин ки, һәр абзасда Мүгәддәс Китабдан ајәләр ҝәтирилдијинә диггәт јетирдиниз. Онлар бизим диггәтимизи бу суаллара Мүгәддәс Китабын неҹә ҹаваб вердијинә јөнәлдир. Мәсәлән, ҝәлин 2 Тимотејә 3:16, 17 ајәләрини охујаг вә бахаг ҝөрәк, сизин Мүгәддәс Китабын мүәллифи һаггында дедијиниз орада тәсдиг олунурму”. 3-ҹү абзасы охујараг, суалы мүзакирә етдикдән вә Јәһја 17:3 ајәсини охудугдан сонра онун диггәтини 1-ҹи дәрсдән әлдә етдији биликләрә јөнәлт. Инди исә икинҹи дәрси ачыб, сонунҹу: “Аллаһ һаггында өјрәнмәк үчүн һансы ики үсул мөвҹуддур?” суалыны охумаг олар. Сонра соруш: “Нә вахт тәхминән 15 дәгигә вахтыныз олар ки, сизинлә 2-ҹи дәрси өјрәниб, бу суалын ҹавабыны тапа биләк?”
7 Мүзакирәни гәлизләшдирмәмәк вә һәр бир имкандан истифадә едиб ев саһибини тә’рифләмәк ваҹибдир. Нөвбәти ҝөрүш үчүн данышаркән, ев саһибиндән өјрәнмәни давам етмәк истәјиб-истәмәдији һаггында сорушмаг әвәзинә, садәҹә ону ҝәлән дәфә јенидән бу ҹүр бирликдә өјрәнмәјә тәшвиг ет. Гој о билсин ки, сән мәмнунијјәтлә јенидән гајыдаҹагсан. Бә’зи тәблиғчиләр ҝөрүш тә’јин етмәк чәтин олдугда, өјрәнмәни телефон васитәсилә кечирмәји тәклиф едирләр. Һәмчинин өјрәнән адамы тәшвиг етмәк олар ки, брошүраны е’тибарлы вә мүнасиб јерә гојсун ки, нөвбәти дәфә сән ҝәләндә әл чатан јердә олсун.
8 Гәрарлы ол. Һазырлыг мүвәффәгијјәтин ачары олса да, биз анҹаг һазырлыгла кифајәтләнмәли дејилик. Ола биләр, дәрси бир нечә дәгигә әрзиндә кечмәк чәтин олсун, буна ҝөрә дә тәгдимәни өјрәнмәнин неҹә кечирилдијини рәванлыгла даныша биләнә гәдәр мәшг ет. Гапыны ачан, гејри-рәсми хидмәтдә раст ҝәлдијин вә телефон васитәсилә тәблиғ етдијин бүтүн инсанлара өјрәнмәнин неҹә кечирилдијини ҝөстәрмәјә чалыш. Мүгәддәс Китаб өјрәнмәси башламаг сәнин үчүн чәтиндирсә, руһдан дүшмә. Сән Мүгәддәс Китаб өјрәнмәсини гәти гәрарлы олдуғун вә һәгигәти башга инсанлара данышмағы сәмими гәлбдән арзу етдијин заман, мүвәффәгијјәтлә башлаја биләҹәксән (Гал. 6:9).
9 Әҝәр верилән бу мәсләһәтләри тәтбиг етсән, онда “Аллаһ тәләб едир” брошүрасы васитәсилә өјрәнмәјә башлајыб, ону давам етдирәрәк кимисә һәјат јолуна јөнәлтмәк шәрәфи сәнин дә пајына дүшәҹәкдир (Мат. 7:14).