Суаллар гутусу

◼ Јығынҹаг ҝөрүшләриндә хош аб-һаванын горунмасына һәр кәс неҹә өз төһфәсини верә биләр? (Ганун. т. 31:12).

Јеһоваја вә Онун тәсис етдији јығынҹаг ҝөрүшләринә дәрин һөрмәтдән ирәли ҝәләрәк һамы ҝөрүшләрә тез ҝәлмәјә вә өјрәнмәк үчүн һазыр олмаға тәшвиг олунур. Јахшы олар ки, өн сыраларда јер тутаг, арха ҹәрҝәләри исә көрпә ушаглы валидејнләр вә һәрдән ҝеҹикәнләр үчүн бош сахлајаг. Ҝөрүш башламаздан әввәл електрон ҹиһазлар лазыми режимә салынмалыдыр ки, башгаларыны нараһат етмәсин. Һамы бүтүн ҝөрүш боју һөрмәтҹил мүнасибәтини горуса, јајындырыҹы шејләр аз вә ҹүзи олаҹаг (Ваиз 5:1; Филип. 2:4).

Јени марагланан ҝөрүшләрә тәзә-тәзә ҝәләндә ону таныјан кимсә онун јанында отурмағы тәклиф едә биләр. Бунун, хүсусилә дә әлиушаглылара бөјүк көмәји дәјә биләр. Ола билсин, јығынҹаг ҝөрүшләриндә иштирак етмәк аилә үчүн јени бир шејдир. Бу һалда, онлар архада отурмаг имканына ҝөрә, јәгин ки, миннәтдар оларлар, чүнки валидејнләрә көрпәләринин тәләбатларыны өдәмәк үчүн баш залы мүвәггәти тәрк етмәк лазым ҝәләндә башгаларына чох мане олмајаҹаглар (Сүл. мәс. 22:6, 15). Ушаглы аиләләр ушаглары сәс-күј салмаг үчүн өзләрини сәрбәст һисс етмәсинләр дејә, кичик залда отурмамалыдырлар. Ушаға дүзәлиш вермәк вә ја башга тәләбатларыны өдәмәк лазым ҝәләрсә, јахшы олар ки, ушагла бирҝә залдан чыхсынлар вә сонра бир јердә гајытсынлар.

Хидмәтчиләр ибадәт јериндә мүнасиб аб-һаванын горунмасы үчүн чалышырлар. Онлар аиләләрә вә һәрдән ҝеҹикәнләрә мүнасиб јерләр тапмаға көмәк едирләр. Хидмәтчиләр көмәк едәркән диҝәрләринин диггәтини јајындырмамаг үчүн нәзакәтли вә еһтијатлы олмағы унутмамалыдырлар. Ҝөзләнилмәдән хошаҝәлмәз һаллар јарананда онлар дәрракәли давранмалыдырлар. Ушагларын давранышы башгаларынын диггәтини јајындыранда хидмәтчиләр мүлајимликлә көмәк тәклиф едә биләрләр.

Ҝөрүшдә Аллаһа ибадәт етмәјә ҝәләнләрин һамысы Јеһова вә Онун сүлһ вә салеһлијин һөкм сүрәҹәји јени дүнја һаггындакы нијјәти барәдә өјрәнмәк үчүн хош аб-һаваны горуја биләрләр (Ибр. 10:24, 25).