Һәр чешид дилләрдән олан халгларын топланмасы
1 Аллаһын Кәламында дејиләнләр јеринә јетир! “Милләтләрин һәр чешид дилләриндән” олан адамлар һәгиги иманы гәбул едирләр (Зәк. 8:23). Бәс Јеһованын Шаһидләри “һәр милләтдән, бүтүн гәбиләләрдән, халглардан вә дилләрдән олан” инсанлара “бөјүк мәшәггәтдән” сағ чыхмаг үчүн Јеһованын ҝөзүндә тәмиз олмаға неҹә көмәк едирләр? (Вәһј 7:9, 14).
2 Аллаһын тәшкилатынын ҹавабы. Рәһбәрлик шурасы гајғы ҝөстәриб ки, Мүгәддәс Китаба әсасланан әдәбијјат тәхминән 380 дилдә нәшр олунсун. Бунун сајәсиндә, дүнјанын һәр јериндә јашајан инсанлар хош хәбәрин ваҹиблијини ајдын дәрк едирләр. Бу гәдәр дилләрдә әдәбијјат һазырламаг вә нәшр етмәк бөјүк ишдир. Ихтисаслашдырылмыш тәрҹүмәчиләр групу тәшкил етмәк, бүтүн бу дилләрә тәрҹүмә етмәк үчүн онлара зәрури олан јардымы тәгдим етмәк, сонра исә һәмин әдәбијјаты нәшр етмәк вә јығынҹаглара јолламаг лазымдыр. Лакин Мүгәддәс Китаба әсасланан хиласедиҹи хәбәри инсанлара чатдырмагда ваҹиб ролу Падшаһлығын ајры-ајры тәблиғчиләри ојнајырлар.
3 Ишә башлајырыг. Бир чох јерләрдә, әһалинин әсас һиссәсини башга милләтләрә мәхсус олан инсанлар тәшкил едирләр. Һәмин инсанлара хош хәбәри чатдырмаг үчүн, ҝетдикҹә Аллаһын даһа чох хидмәтчиси јашадыглары әразидә ҝениш јајылмыш дилләри өјрәнмәјә чалышыр. Диҝәрләри жест дилини өјрәнирләр. Тәкҹә Русијада, рус дилиндән башга 5 дилдә тәблиғ едән 14 јығынҹаг вә 40 груп мөвҹуддур. Аллаһын Кәламынын һәгигәтини, әввәлләр Јеһова һаггында һеч ешитмәјән вә Мүгәддәс Китаб һаггында бир шеј билмәјән инсанлар гәбул едирләр (Ром. 15:21).
4 Јашадығымыз әразидә јашајан башга милләтләрин нүмајәндәләринә хош хәбәри даһа ҝениш мигјасда тәблиғ етмәк үчүн сә’ј ҝөстәрә биләрикми? (Колос. 1:25). Бир чох јығынҹаглар тәблиғ ишини, башга дилдә данышан јерли әһали арасында тәшкил едирләр. Тәблиғчиләр әҹнәби дилдә әввәлҹә бир нечә сөз өјрәнирләр ки, садә тәгдимә етсинләр. Мәсәлән, “Салам. Сизин үчүн шад хәбәр ҝәтирмишәм. [Сонра һәмин дилдә трактат вә ја брошүра тәклиф ет.] Сағ олун”. Јеһова, һәтта бу ҹүр садә олан илк аддымлара белә һәгигәтән дә хејир-дуа верир!
5 Падшаһлыг һаггындакы хәбәр, бүтүн милләтләрдән вә дилләрдән олан инсанлары ҹәлб едир. Ҝәлин, бу инсанлара хош хәбәри чатдырмаг үчүн, һәр бир имкандан истифадә едәк.