Хүсуси бирҝүнлүк конгресин јени програмы
Бизим дөврдә сағламлығы горумаг вә өмрү узатмаг үчүн үрәји мөһкәмләтмәјә даир чох мә’луматлар мөвҹуддур. Лакин символик үрәјимизин вәзијјәти даһа ваҹибдир. Нә јахшы ки, 2003-ҹү илин сентјабр ајындан башлајараг кечириләҹәк хүсуси бирҝүнлүк конгресин програмы “Бүтүн үрәклә Јеһоваја гуллуг ет” адланыр (1 Тарих. 28:9). Бу конгресдә нә өјрәнәҹәјик?
Рајон нәзарәтчиси, “Бүтүн үрәклә Јеһоваја гуллуг етмәкдә башгаларына көмәк един” адлы мөвзуну мүзакирә едәрәк мүсаһибә ҝөтүрәҹәк. Бу мүсаһибәдән Јеһоваја хидмәт етмәк арзусунда олан инсанларда јаранмыш марағы инкишаф етдирмәјин вә онларла Мүгәддәс Китаб өјрәнмәси кечирмәјин нә гәдәр севинҹли олдуғуну өјрәнәҹәјик. Дә’вәт олунмуш натигин “Һәјәҹан долу дүнјада үрәјинизи горујун” адлы биринҹи мә’рузәси, шүбһәсиз ки, бизә тәсәлли верәҹәк вә бизи руһландыраҹаг. Програмын биринҹи һиссәсини вәфтиз олмаг истәјәнләр үчүн мә’рузә баша чатдыраҹаг.
Програмын наһардан сонракы һиссәсиндә, башгаларына неҹә көмәк едә биләҹәјимизи ҝөстәрән “Көмәк әлинизи узадын” адлы мә’рузә сәсләнәҹәк. Валидејнләр ушагларынын үрәјини пис тә’сирләрдән неҹә горуја биләр вә онлара Јеһоваја јахынлашмагда неҹә көмәк едә биләрләр? “Ушагларыныза Јеһовада севинҹ тапмаға көмәк един” адлы мөвзунун мүзакирәси заманы буна даир тәклифләр сәсләнәҹәк вә буну һәјатда тәтбиг етмәјин үсулу ҝөстәриләҹәк.
Символик үрәјимизин сағлам вә ҝүҹлү олмасы үчүн Јеһованын бизә тәгдим етдикләриндән истифадә едирикми? Дә’вәт олунмуш натигин “Јеһоваја бүтүн үрәклә гуллуг етмәјә давам един” адлы сонунҹу мә’рузәси, диггәтимизи руһани фәалијјәтимизин дөрд ваҹиб саһәсинә јөнәлдәҹәк. Сәмими гәлбдән дуа етмәк, Аллаһын Кәламыны өјрәнмәк, сә’јлә тәблиғ етмәк вә башга мәсиһчиләрлә үнсијјәтдә олмаг үчүн нә гәдәр вахт вә гүввә сәрф едирик? Бу саһәләрдән һансындаса тәкмилләшә биләрикми?
Јеһова бизи дә’вәт едир: “Үрәјини тәрбијәјә вә гулагларыны билик сөзләринә вер” (Сүл. мәс. 23:12). Мүгәддәс Китаб нәсиһәтини вахтында чатдыран бу програмда иштирак етмәји артыг индидән планлашдыр. О сәни бундан сонра да Јеһоваја бүтүн үрәклә вә бүтүн ҹанла гуллуг етмәк әзминдә мөһкәмләндирәҹәк.