Рајон конгресинин јени програмы

Бу пис дүнја, индики системин әбәди мөвҹуд олаҹағына бизи инандырмаға чалышыр. Лакин Аллаһын Кәламы әкс фикри сөјләјир (1 Јәһ. 2:15-17). Мүгәддәс Китаб ‘јердә хәзинәләр јығмағын’ әбәс олдуғуну анламагда бизә көмәк едир. Аллаһын халгыны мөһкәмләндирмәк үчүн 2007-ҹи хидмәт илинин рајон конгресиндә «Өзүнүзә ҝөјдә хәзинәләр јығын» мөвзусу ачыгланаҹаг (Мат. 6:19, 20).

Ефеслиләрә 2:2 ајәсиндә ‘һавадакы һакимијјәтин, јә’ни инди итаәтсиз инсанларда фәал олан руһдан’ данышылыр. Бу руһ өзүнү һәмчинин вар-дөвләтә алудә олмагда ҝөстәрир. Нәфәс алдығымыз һава һәр јердә олдуғу кими, ‘бу дүнјанын руһу’ да ејни тәрздә индики системә һопуб (1 Кор. 2:12). Дүнјанын руһунун чох ҝүҹлү тә’сири олдуғу үчүн, ајәдә онун һакимијјәтә малик олдуғу јазылыб. Рајон конгресинин јени програмы дүнјаја хас олан вар-дөвләтә мејлликдән гачынмаға вә ҝөзүмүзү ән әсас шејләрә ҹәмләшдирмәјә бизә көмәк едәҹәк (Мат. 6:33). Бундан әлавә, конгресин програмы мүгавимәтләрә вә сынаглара бахмајараг иҹра етдијимиз хидмәтдә Јеһоваја архаланмагда бизә јардым олаҹаг.

Конгресин һәр ики ҝүнүндә иштирак етмәјә вә ‘даһа диггәтлә гулаг асмаға’ чалыш (Ибр. 2:1). Һәјатында вә хидмәтдә тәтбиг едә биләҹәјин әсас фикирләри гејд ет. Руһән зәнҝинләшдирән бу програмы әввәлдән ахырадәк динләмәклә сән бундан сонра да ‘ҝөјдә хәзинәләр јығмаға’ руһланаҹаг вә ҝүҹләнәҹәксән!