Хүсуси бирҝүнлүк конгресин јени програмы

Еркән мәсиһчиләр мүгәддәс руһдан гүввәтләнәрәк хош хәбәри сә’јлә һәр јанда тәблиғ едирдиләр (Һәв. иш. 1:8; Колос. 1:23). 2007-ҹи хидмәт илинин «Өзүнүзү тамамилә Кәлама һәср един» адлы хүсуси бирҝүнлүк конгреси онларын нүмунәсини изләмәјә көмәк едәҹәк (Һәв. иш. 18:5).

Падшаһ Давуд Аллаһын Кәламы үзәриндә дүшүнәркән белә демишди: «Рәббин өјүдү [«хатырлатмасы», ЈД] е’тибарлыдыр, наданы мүдрик едир» (Мәз. 19:7). 2007-ҹи хидмәт или үчүн хүсуси бирҝүнлүк конгресин јахшы һазырланмыш програмы, вахтын мәһдудлуғуну нәзәрә алараг бизи ‘ислаһ үчүн фајдалы’ олан Аллаһын Кәламыны даһа чох гијмәтләндирмәјә вә ондан тәблиғдә вә шаҝирдләри өјрәтмәкдә истифадә етмәјә сөвг едәҹәк (2 Тим. 3:16, 17). Јени програм бизә тәләләрдән гачмагда вә Мүгәддәс Китаб принсипләрини ҝүндәлик һәјатда мүвәффәгијјәтлә тәтбиг етмәкдә көмәк едәҹәк. Һәмчинин, ҝәнҹләрин вә јениләрин руһән тәрәггиси үчүн Аллаһын Кәламындан неҹә истифадә етмәји өјрәнәҹәјик.

Програмын әввәлиндән конгресдә иштирак етмәјә вә диггәтли олмаға чалыш. Тәтбиг едә биләҹәјин фикирләри гејд ет. Мәсләһәтләри вә хатырлатмалары миннәтдарлыгла динлә вә өјрәндикләрини һәјатында неҹә тәтбиг едәҹәјин һагда фикирләш.

Хүсуси бирҝүнлүк конгресин програмы бизә Аллаһын Кәламыны даһа да чох гијмәтләндирмәјә вә мәтанәтлә хош хәбәри тәблиғ етмәјә, һәмчинин башгаларыны да буна һәвәсләндирмәјә көмәк едәҹәк. Ҝәлин Јеһованын бу програм васитәсилә верәҹәји ҝөстәриш вә тә’лимләри диггәтлә динләјәк! (Јешаја 30:20б, 21).