Һамы үчүн нәзәрдә тутулан журналлар
1. Садиг вә ағыллы нөкәр синфи һәвари Павели неҹә тәглид едир?
1 Чатдырдығы хош хәбәри «һәр ҹүр адам»а ујғунлашдыран һәвари Павел кими, садиг вә ағыллы нөкәр синфи дә мүхтәлиф мәдәнијјәтләрдән вә динләрдән олан инсанларын үрәјинә јол тапмаг үчүн журналлардан истифадә едир (1 Кор. 9:22, 23). Буна ҝөрә дә, биз «Ҝөзәтчи Гүлләси» вә «Ојанын!» журналларындан сәмәрәли шәкилдә истифадә етмәк үчүн онларын кимин үчүн јазылдығыны унутмамалыјыг.
2. «Ојанын!» журналы кимләр үчүн нәзәрдә тутулуб?
2 «Ојанын!» Бу журналын мәгсәди һәвари Павелин «афиналылар» дејә мүраҹиәт етдији инсанлар кими сәмими инсанларын үрәјинә јол тапмагдыр (Һәв. иш. 17:22). Онлар мәсиһчи аиләсиндә бөјүмәмишдиләр, Мүгәддәс Јазылар һагда да аз анлајышлары варды. Ејнилә, «Ојанын!» журналынын охуҹулары да Мүгәддәс Китаб һагда ја аз билир, ја да һеч мәлуматлары јохдур. Ола билсин, онлар мәсиһчи тәлимләри илә үмумијјәтлә таныш дејилләр, динә шүбһә илә јанашырлар, јахуд да Мүгәддәс Китабын практики дәјәриндән хәбәрләри јохдур. «Ојанын!» журналынын әсас мәгсәди инсанлары һәгиги Аллаһын вар олдуғуна әмин етмәкдир. Һәмчинин бу журнал Мүгәддәс Китаба иманы мөһкәмләндирир вә охуҹулара Јеһованын Шаһидләринин диҝәр дини груплардан фәргләндијини анламаға көмәк едир.
3. «Ҝөзәтчи Гүлләси» журналынын һәр ики нәшри кимләр үчүн нәзәрдә тутулуб?
3 «Ҝөзәтчи Гүлләси». Бу журналын күтләви нәшри Аллаһа вә Мүгәддәс Китаба мүәјјән дәрәҹәдә һөрмәт едән охуҹулара үнванланыб. Бу инсанлар Мүгәддәс Китабдан мүәјјән биликләрә маликдирләр, анҹаг онун тәлимләрини там дәгиг баша дүшмүрләр. Онлар Павелин: «Үрәјиндә Аллаһ горхусу оланлар», — дејә мүраҹиәт етдији инсанлара бәнзәјирләр (Һәв. иш. 13:14—16). «Ҝөзәтчи Гүлләси»нин тәлим нәшри, илк нөвбәдә, Јеһованын Шаһидләри үчүндүр. Павел тәхмин едирди ки, онун јаздығы мәктублары Мүгәддәс Јазылара јахшы бәләд олан вә һәгигәти ајдын дәрк едән инсанлар охујаҹаг (1 Кор. 1:1, 2). Ејнилә, тәлим нәшриндә јазылан мәгаләләр јығынҹагларда иштирак едән, мәсиһчи термин вә тәлимләрини билән инсанлар үчүндүр.
4. Хидмәтдә тәгдим етдијимиз журналларын һәр бирилә нәјә ҝөрә јахындан таныш олмалыјыг?
4 Чох вахт тәблиғдә инсанлара «Ојанын!» журналыны вә «Ҝөзәтчи Гүлләси»нин күтләви нәшрини бирҝә тәклиф етсәк дә, адәтән, тәгдимәмиздә онлардан јалныз бирини мүзакирә едирик. Она ҝөрә дә, һәр бир нәшрлә јахындан таныш олмағы гаршына мәгсәд гој, о заман сән һәмсөһбәтинә һансы журналын даһа мараглы олаҹағыны биләҹәксән.