Мүгәддәс Китаб дәрси кечәндә бу сәһвләрә јол вермәјин

Чох данышма. Дүшүнмә ки, һәр шеји сән изаһ етмәлисән. Иса пејғәмбәр инсанларын дүшүнүб дүзҝүн нәтиҹәјә ҝәлмәләри үчүн суаллар верирди (Мт 17:24—27). Суаллар сајәсиндә дәрс даһа мараглы кечир вә шаҝирдин нәји баша дүшдүјүнү, нәјә инандығыны анламаг мүмкүн олур (be с. 253, абз. 3, 4). Суал верәндә сәбирли олуб ҹавабы ҝөзләмәк лазымдыр. Шаҝирд сәһв ҹаваб верәндә дүзҝүн ҹавабы демәјә тәләсмә. Дүзҝүн гәнаәтә ҝәлмәси үчүн әлавә суаллар вер (be с. 238, абз. 1, 2). Мәлуматы елә темплә тәгдим ет ки, шаҝирд јени мәлуматы гавраја билсин (be с. 230, абз. 4).

Гәлизләшдирмә. Кечдијиниз дәрслә бағлы билдикләринин һамысыны данышмаға лүзум јохдур (Јһ 16:12). Диггәти абзасын әсас фикринә јөнәлт (be с. 226, абз. 4, 5). Һәтта ән мараглы тәфәррүатлар белә, инсаны әсас фикирдән јајындыра биләр (be с. 235, абз. 3). Шаҝирд әсас фикри баша дүшдүсә, нөвбәти абзаса кеч.

Садәҹә мәлуматы чатдырмаг кифајәт дејил. Мәгсәдимиз садәҹә дәрси кечмәк дејил, биз инсанын үрәјинә јол тапмаға чалышмалыјыг (Лк 24:32). Диггәти дәрсдәки әсас ајәләрә ҹәмләмәклә Аллаһын Кәламынын ҝүҹүнүн фәалијјәт ҝөстәрмәсинә јол вер (2Кр 10:4; Иб 4:12; be с. 144, абз. 1—3). Садә нүмунәләр чәк (beс. 245, абз. 2—4). Шаҝирдин иманыны, үзләшдији чәтинликләри нәзәрә ал, дәрси онун вәзијјәтинә ујғунлашдыр. Белә суаллар вер: «Сән бу барәдә нә дүшүнүрсән? Бурадан Јеһова һагда нә өјрәндин? Бу мәсләһәтә әмәл етмәјин һансы фајдасы ола биләр?» (be с. 238, абз. 3—5; с. 259, абз. 1).