Бәли, әлиниздәки тәлим нәшридир!
Тәлим нәшринин даһа ҝөзәҝәлимли, еләҹә дә Јеһованын дәјәрли Кәламындакы һәгигәтләри арашдырмагда даһа фајдалы олмасы үчүн онун тәртибатыны јениләшдирмишик (Мәз. 1:2; 119:97).
Артыг дөрд илдир ки, «Ҝөзәтчи гүлләси» ики нәшрдә чыхыр: бири ҝениш күтлә үчүн, диҝәри исә Јеһованын Шаһидләри олан бизләр вә һәгигәтдә тәрәгги едән инсанлар үчүн.
Узун илләрдир Јеһоваја хидмәт едән бир гардаш тәлим нәшри һаггында јазмышды: «Мөһтәшәм вә тәсирлидир! Бу, “Ҝөзәтчи гүлләси”нин илк тәлим нәшринин мәндә јаратдығы тәәссүрат иди. Орада истифадә олунан даһа дәрин руһани дил вә ифадәләр үрәјимин дәринликләринә тәсир етмишди. Бу јени әсрарәнҝиз нәшрә ҝөрә сизә сәмими-гәлбдән өз миннәтдарлығымы билдирирәм». Башга бир гардаш исә јазмышды: «Гејдләрлә олан Мүгәддәс Китабын көмәјилә тәлим нәшрини арашдырмаг үчүн ајырдығым о дәјәрли вахты бөјүк сәбирсизликлә ҝөзләјирәм». Әминик ки, онларын үрәк сөзләринә сиз дә шәриксиниз.
Билдијиниз кими, «Ҝөзәтчи гүлләси» 1879-ҹу илдән нәшр едилир вә бу иши јалныз Јеһованын руһу вә хејир-дуасы сајәсиндә индијәдәк ҝөрмәк мүмкүн олуб (Зәк. 4:6). 133 ил әрзиндә журналын үз габығы бир нечә дәфә дәјишилиб. 2012-ҹи илдән етибарән исә һәр тәлим нәшринин үз габығында тәблиғ фәалијјәтимизи тәсвир едән әллә чәкилмиш рәнҝли рәсм олаҹаг. Бу, бизә Јеһованын Падшаһлығы һагда әтрафлы шәһадәт вермәк тапшырығымыз барәдә хатырладаҹаг (Һәв. иш. 28:23). Икинҹи сәһифәдә исә һәмин рәсмин фотошәкли олаҹаг вә онун алтында бу шәклин һарада чәкилдијини вә шәкилдәки инсанларын нә илә мәшғул олдуғуну изаһ едән гыса шәрһ олаҹаг. Ил боју бу, бизә Јеһованын халгынын хош хәбәри бүтүн дүнјада «милләтләрин һамысына» тәблиғ етдијини хатырладаҹаг (Мат. 24:14).
Журналда башга һансы дәјишикликләр едилиб? Тәкрар үчүн суаллар арашдырылан мәгаләләрин әввәлинә кечирилиб. Мәгаләләрә һазырлашаркән артыг һансы әсас фикирләри ахтармалы олдуғунузу габагҹадан биләҹәксиниз. Әлбәттә, јығынҹагда «Ҝөзәтчи гүлләси»нин мүзакирәсини апаран гардаш һәмишәки кими сонда бу суалларын көмәјилә мәгаләнин гыса иҹмалыны кечирәҹәк. Үстәлик, сәһифәләрин кәнарларындакы бош јерләр бир аз ҝениш олаҹаг, сәһифәнин, еләҹә дә абзасларын нөмрәләри даһа ајдын шрифтлә чап едиләҹәк.
Бу сајдан етибарән Јеһованын Шаһидләринин мүасир тарихиндән бәһс едән «Архивимиздән» адлы рубрика дәрҹ олунаҹаг. Бундан әлавә, вахташыры олараг «Онлар көнүллү олараг өзләрини тәгдим етдиләр» адлы башлыг алтында Падшаһлығын тәблиғчиләринә бөјүк еһтијаҹ олан әразиләрдә хидмәт едән баҹы-гардашларымызла баш верән мараглы һадисәләр чап едиләҹәк. Бурадан биз хидмәтин онлара нә гәдәр севинҹ, мәмнунлуг вә хошбәхтлик ҝәтирдијини ҝөрәҹәјик.
Гој бу журналын көмәјилә Аллаһын Кәламыны арашдырмаг үчүн ајырдығыныз вахт сәмәрәли олсун.
Наширләр
[3–ҹү сәһифәдәки шәкил]
1879
[3–ҹү сәһифәдәки шәкил]
1895
[3–ҹү сәһифәдәки шәкил]
1931
[3–ҹү сәһифәдәки шәкил]
1950
[3–ҹү сәһифәдәки шәкил]
1974
[3–ҹү сәһифәдәки шәкил]
2008