“Allah tələb edir” broşürası vasitəsi ilə öyrənməyə necə başlamaq olar?
1 Bütün dünyadan olan mə’lumatlar göstərir ki, “Allah bizdən nə tələb edir?” broşürası insanlara həqiqəti öyrətmək üçün güclü alətdir. Hər həftə bu broşüra vasitəsi ilə minlərlə Müqəddəs Kitab öyrənməsi başlanılır. Bəs sənə “Allah tələb edir” broşürası vasitəsi ilə Müqəddəs Kitab öyrənməsi başlamaq və keçirmək müvəffəq olurmu?
2 Bir çoxları üçün broşüranı paylamaq asan olduğu halda, bə’ziləri öyrənmə başlamaq üçün nə deyəcəklərini bilmirlər. “Allah tələb edir” broşürası vasitəsi ilə müvəffəqiyyətlə Müqəddəs Kitab öyrənməsi başlayan təbliğçilər hansı üsulları tətbiq etmişlər? Bir neçə faydalı məsləhətləri nəzərdən keçirək.
3 Öyrənmənin necə keçirildiyini göstər. Biz ilk dəfə, yaxud təkrar baş çəkdiyimiz zaman ev sahibinə sadəcə olaraq öyrənmə təklif etmək əvəzinə, Müqəddəs Kitabı öyrənmək kursunun necə keçirildiyini göstərə bilərik. Bu, “öyrənmə” sözünü eşidən kimi bir çox ev sahiblərində yaranan anlaşılmazlıq və qorxu hisslərini aradan qaldırmağa kömək edəcək. Öyrənmənin necə keçirildiyini göstərməyi mənimsədikdən sonra, biz Müqəddəs Kitab öyrənməsini sadə təqdimələrin köməyilə başlaya biləcəyik.
4 Hazırlıq — müvəffəqiyyətin açarıdır. Bizim Müqəddəs Kitab öyrənməsi başlamağa olan güclü istəyimiz bilavasitə nə dərəcədə yaxşı hazırlaşmağımızdan asılıdır. Əvvəlcədən hazırlaşmağımız, Müqəddəs Kitab öyrənməsi təklif etmək qətiyyətsizliyimizi aradan qaldırmaqda bizə kömək edəcəkdir. Təqdiməni bir neçə dəfə məşq etdikdən sonra, biz onu danışıq üslubunda, yə’ni daha təbii və öz sözlərimizlə deyə biləcəyik. Bu, yalnız bizə deyil, həm də ev sahibinə özünü sərbəst hiss etməyə kömək edəcəkdir.
5 Təqdiməni məşq edərkən vaxta diqqət yetir ki, Müqəddəs Kitab öyrənməsinin necə keçirildiyini göstərməyə nə qədər vaxt gedəcəyini ev sahibinə deyəsən. Bir qardaş özünü təqdim etdikdən sonra deyir: “Gəlmişəm ki, sizə pulsuz Müqəddəs Kitab öyrənilməsinin necə keçirildiyini göstərim. Bu, təxminən beş dəqiqə çəkəcək. Beş dəqiqə vaxtınız olarmı?” “Allah tələb edir” broşürasındakı 1-ci dərsi təxminən beş dəqiqəyə keçmək olar. Əlbəttə ki, bu vaxt ərzində ancaq seçilmiş ayələri oxumaq olar, lakin bir neçə dəqiqə ərzində ev sahibi ilə birinci dərsi öyrəndikdən sonra, onunla ilk öyrənməni keçirmiş olursan. Sonra de ki, 2-ci dərsi öyrənməyə gəldikdə, bu, sadəcə 15 dəqiqə vaxt aparacaq.
6 Növbəti təqdimə yaxşı nəticələr gətirmişdir:
◼ “Mən sizi, “Allah bizdən nə tələb edir?” broşürası vasitəsilə Müqəddəs Kitabı olduqca asan və tez bir surətdə öyrənməyə kömək edən kurs ilə tanış etmək istəyərdim. Bir çox insanlar, həftədə 15 dəqiqə məşğul olmaqla, 16 həftə ərzində bu kimi vacib suallara cavab tapmışlar. Qısa olaraq broşüranın mündəricatı ilə tanış et. Diqqəti 1-ci dərsə yönəldərək de: “Əgər siz bizə beş dəqiqə həsr edə bilsəydiniz, belə bir öyrənmənin necə keçirildiyini sizə göstərərdik. 1-ci dərs belə adlanır “Allahın nə tələb etdiyini necə öyrənə bilərik?” Daha sonra üç sualı oxu və mö’tərizədəki rəqəmlərin nə demək olduğunu izah et. Birinci abzası oxu və ev sahibinə cavabı necə tapmağı göstər. İkinci abzası oxumağı, ev sahibindən xahiş etmək olar. Sonra belə de: “Oxuduğunuzun əsasında siz bu suala necə cavab verərdiniz? [Sualı yenidən oxu və ev sahibinin cavab verməsinə imkan ver.] Yəqin ki, hər abzasda Müqəddəs Kitabdan ayələr gətirildiyinə diqqət yetirdiniz. Onlar bizim diqqətimizi bu suallara Müqəddəs Kitabın necə cavab verdiyinə yönəldir. Məsələn, gəlin 2 Timoteyə 3:16, 17 ayələrini oxuyaq və baxaq görək, sizin Müqəddəs Kitabın müəllifi haqqında dediyiniz orada təsdiq olunurmu”. 3-cü abzası oxuyaraq, sualı müzakirə etdikdən və Yəhya 17:3 ayəsini oxuduqdan sonra onun diqqətini 1-ci dərsdən əldə etdiyi biliklərə yönəlt. İndi isə ikinci dərsi açıb, sonuncu: “Allah haqqında öyrənmək üçün hansı iki üsul mövcuddur?” sualını oxumaq olar. Sonra soruş: “Nə vaxt təxminən 15 dəqiqə vaxtınız olar ki, sizinlə 2-ci dərsi öyrənib, bu sualın cavabını tapa bilək?”
7 Müzakirəni qəlizləşdirməmək və hər bir imkandan istifadə edib ev sahibini tə’rifləmək vacibdir. Növbəti görüş üçün danışarkən, ev sahibindən öyrənməni davam etmək istəyib-istəmədiyi haqqında soruşmaq əvəzinə, sadəcə onu gələn dəfə yenidən bu cür birlikdə öyrənməyə təşviq et. Qoy o bilsin ki, sən məmnuniyyətlə yenidən qayıdacaqsan. Bə’zi təbliğçilər görüş tə’yin etmək çətin olduqda, öyrənməni telefon vasitəsilə keçirməyi təklif edirlər. Həmçinin öyrənən adamı təşviq etmək olar ki, broşüranı e’tibarlı və münasib yerə qoysun ki, növbəti dəfə sən gələndə əl çatan yerdə olsun.
8 Qərarlı ol. Hazırlıq müvəffəqiyyətin açarı olsa da, biz ancaq hazırlıqla kifayətlənməli deyilik. Ola bilər, dərsi bir neçə dəqiqə ərzində keçmək çətin olsun, buna görə də təqdiməni öyrənmənin necə keçirildiyini rəvanlıqla danışa bilənə qədər məşq et. Qapını açan, qeyri-rəsmi xidmətdə rast gəldiyin və telefon vasitəsilə təbliğ etdiyin bütün insanlara öyrənmənin necə keçirildiyini göstərməyə çalış. Müqəddəs Kitab öyrənməsi başlamaq sənin üçün çətindirsə, ruhdan düşmə. Sən Müqəddəs Kitab öyrənməsini qəti qərarlı olduğun və həqiqəti başqa insanlara danışmağı səmimi qəlbdən arzu etdiyin zaman, müvəffəqiyyətlə başlaya biləcəksən (Qal. 6:9).
9 Əgər verilən bu məsləhətləri tətbiq etsən, onda “Allah tələb edir” broşürası vasitəsilə öyrənməyə başlayıb, onu davam etdirərək kimisə həyat yoluna yönəltmək şərəfi sənin də payına düşəcəkdir (Mat. 7:14).