«İlahi müjdə» broşürü ilə dərs keçin
1. «İlahi müjdə» broşürü necə tərtib olunub?
1 «Müqəddəs ibadətimiz» vərəqəsinin iyul sayında müzakirə olunduğu kimi, bizim əsas təlim vəsaitlərimizdən biri də «İlahi müjdə» broşürüdür. Orada ayələr sitat gətirilmir ki, ev sahibi ayələri birbaşa Müqəddəs Kitabdan oxusun. Bir çox təlim nəşrlərimiz elə tərtib olunub ki, onu təkbaşına oxuyub öyrənmək olar, ancaq bu nəşri mütləq kiminləsə araşdırmaq lazımdır. Buna görə də bu nəşri təklif edəndə dərsin necə keçirildiyini göstərməliyik. Onda ev sakini görəcək ki, Müqəddəs Kitabda necə böyük bilik xəzinəsi yatır (Mət. 13:44).
2. İlk gəlişimizdə «İlahi müjdə» broşüründən necə istifadə edə bilərik?
2 İlk gəlişdə. Belə demək olar: «Çoxları narahat olur ki, görəsən, bu dünyanın axırı necə olacaq? Necə fikirləşirsiniz, sizcə, vəziyyət düzələcək? [Cavabı dinlə.] Müqəddəs Kitabda bizə ümid verən müjdə var. Bu broşürdə bəzi mövzulara dair Müqəddəs Kitabda nə deyildiyi yazılıb». Broşürü ona ver və axırıncı səhifədəki mövzulardan hansının onu maraqlandırdığını soruş. Sonra seçdiyi dərsin birinci abzasını onunla müzakirə et. Yaxud da öz seçdiyin dərsdən ev sakininə sual verib onda maraq oyat. Sonra isə göstər ki, bu broşürün vasitəsilə həmin suala Müqəddəs Kitabdan necə cavab tapmaq olar. Əgər həmin dərs jw.org saytındakı videoya uyğun gəlirsə, onda təbliğçi onu öz təqdiməsində göstərə bilər.
3. «İlahi müjdə» broşüründən istifadə edərək necə dərs keçildiyini izah et.
3 Dərsi necə keçməli? 1) Ev sakininin diqqətini əsas fikrə yönəltmək üçün nömrələnmiş və qara hərflərlə yazılmış sualı oxu. 2) Sualın altındakı abzası oxu. 3) Kursivlə yazılan ayələri oxu və nəzakətlə suallar verərək ayələrin nömrələnmiş suala necə cavab verdiyini göstər. 4) Əgər sualın altında başqa abzas da varsa, 2-ci və 3-cü addımı təkrarla. Əgər video suala müvafiq gəlirsə və sən onu hələ ev sakininə göstərməmisənsə, onda müzakirə zamanı bunu et. 5) Sonda ev sakinin başa düşüb-düşmədiyini yoxlamaq üçün nömrələnmiş sualı bir də ver.
4. Bu dəyərli vəsaitdən məharətlə istifadə etməyə nə kömək edəcək?
4 Bu dəyərli vəsaitlə tanış ol. Hər fürsətdə ondan istifadə et. Hər dərsdən qabaq dərs keçdiyin adam barədə, dərsdəki ayələrlə mövzunu necə izah edə biləcəyin barədə fikirləş (Məs. 15:28; Həv. 17:2, 3). Təcrübən artdıqca, püxtələşdikcə bu broşür həqiqəti insanlara öyrətmək üçün sevimli vəsaitlərindən birinə çevriləcək.